Gitifu w’Akarere  ka Nyagatare yatawe muri yombi

Umunyamabanga Nshingwabikorwa w’Akarere ka Nyagatare , Mugabo Alex, yatawe muri yombi ku gicamunsi cyo kuwa Gatatu, tariki ya 6 Nzeri 2017 ashinjwa gutanga isoko mu buryo bunyuranyije n’amategeko.

Amakuru y’itabwa muri yombi ry’uyu muyobozi yemejwe n’inzego z’umutekano kuri uyu wa Kane.

Aganira na IGIHE, Umuvugizi wa Polisi mu Ntara y’Iburasirazuba, IP Jean Bosco Dusabe, yagize ati "Nibyo yatawe muri yombi ejo saa cyenda n’igice, akurikiranweho gutanga isoko mu buryo bunyuranyije n’amategeko. Isoko ryari iryo kubaka umuhanda wa Nyagatare – Kizinga.”

Uretse Gitifu w’Akarere, IP Dusabe yanavuze ko hanafunzwe ushinzwe amasoko muri Nyagatare witwa Kayitare Fred.

Yakomeje avuga ko uwo muhanda watangiye isoko ryo kuwubaka muri Kamena 2017 rifite agaciro k’amafaranga y’u Rwanda 157, 951, 600. Imirimo yari yaratangiye.



Tanga igitekerezo kuri iyi nkuru



Igitekerezo