Gitifu w’Akarere  ka Gisagara yeguye  ku mirimo

Innocent Mvukiyehe wari Umunyamabanga Nshingwabikorwa w’Akarere ka Gisagara,yeguye ku mirimo ye kuri uyu wa Kane taliki ya 28 Nzeri 2017.

Amakuru yo kwegura k’uyu muyobozi akaba yemejwe na Perezida w’Inama Njyanama y’Akarere ka Gisagara, Innocent Uwimana, wavuze ko yakiriye kuri uyu mugoroba ibaruwa isezera y’Umunyamabanga Nshingwabikorwa w’akarere.

Yagize ati “Ibaruwa nanjye nibwo nkiyibona, yanditse avuga ko asezeye ku mirimo ku mpamvu ze bwite, ibaruwa twayakiriye.”

Uwimana akomeza avuga ko Inama Njyanama y’Akarere izaterana mu minsi mike igasuzuma gusezera kwe, ikareba niba bifite ishingiro ikabyemeza.

Perezida w’Inama Njyanama y’Akarere ka Gisagara yavuze ko nta kibazo Umunyamabanga Nshingwabikorwa yari afite mu kazi cyatuma asezera ku mirimo mu buryo busa n’ubutunguranye.

Uyu Gitifu w’Akarere ka Gisagara wasezeye ku kazi yakagiyeho muri 2011.



Tanga igitekerezo kuri iyi nkuru



Igitekerezo