Gitega :Abacururiza  mu isoko rya  Mutaho baratabaza

Abacuruzi bakorera mu isoko rya Mutaho ,Komini Mutaho,Intara ya Gitega mu gihugu cy’u Burundi barashinja Imbonerakure kwiba ibicuruzwa byabo ndetse zikanabahondagura nyuma y’uko Ubuyobozi bw’iyi Komni bwirukanye abari bashinzwe umutekano w’iri soko.

Aba bacuruzi bavuga ko amezi 5 ashize isoko rya Mutaho ryikukanye abaririndaga nyuma y’itegeko ryari ritanzwe n’Umuyobozi wa Komini ,Denis Niyomuhanyi ngo byari mu rwego rwo kubasimbuza Imbonerakure zaturutse ku misozi itandukanye igize iyi Komini.

Aba bacuruzi bavuga ko iyo batashye bagaruka bagasanga ibicuruzwa byabo uko babisize atariko biri bityo bakaba bakeka ko izi Mbonerakure zaba zaracurishije imfungizo kandi ngo zisanzwe zihembwa.

Nk’uko bitangazwa na RPA dukesha iyi nkuru ngo buri Mbonerakure ihembwa Amafaranga y’Amarundi ibihumbi 6 buri kwezi kandi ngo ni abacuruzi bayatanga.Ngo hejuru y’aya mafaranga ndetse n’ibicuruzwa ziba ngo izi Mbonerakure zikorera urugomo abariremye aho zibaka ibyo bafite zikanabahondagura.

RPA ngo yavugishije Umuyobozi wa Komini ya Mutaho,Denis Niyomuhanyi asubiza agira ati’’ Ese ushobora kubaza umuyobozi uri mu ishyaka amakuru agenewe RPA yatumye abaturage bahunga ndetse ikaba ibabuza gutaha’’

Gabriel Habineza/Umubavu.com



Tanga igitekerezo kuri iyi nkuru



Igitekerezo