Gatsibo : Abasirikare barashe umuturage arapfa

Mu gicuku cyo kuri iki Cyumweru tariki 13 Kanama 2017 ,Abasirikare bo ku kigo cya gisirikare cya Gabiro giherereye mu karere ka Gatsibo barashe abaturage bari baje gucukura amabuye y’agaciro mu buryo bunyuranyije n’amategeko mu mbago z’icyo kigo bicamo umwe abandi bariruka.

Aya makuru akaba yemejwe n’Umuyobozi w’Akarere ka Gatsibo,Richard Gasana wabwiye TV na Radio One ko uretse uwo wishwe ngo hari n’undi umwe wafashwe mpiri afite umupanga.

Yakomeje avuga ko hari abaturage barenga 40 bagiye kwiba amabuye y’agaciro mu busitani bw’ikigo cya gisirikare i Gabiro, bakaza gufatwa n’abasirikare bari ku burinzi bwa ninjoro, abenshi muri bo bumvise abasirikare bariruka mu gihe babiri basigaye mu kirombe bari bafite imihoro aho umwe yashatse kurwanya umusirikare ashaka kumutema, abandi basirikare bagahita bamurasa agapfa.

Uyu muturage wafashwe akaba afunzwe mu gihe iperereza rikomeje.

Umubavu.com



Tanga igitekerezo kuri iyi nkuru



Igitekerezo