Dore bimwe mu bihugu bihohotera abanyamakuru kurusha ibindi ku isi

Buri mwaka ku itariki ya 2 Ugushyingo, isi yose yizihiza umunsi mpuzamahanga wahariwe kurwanya ihohoterwa rikorerwa abanyamakuru ariko nubwo iyi gahunda iriho ntibibuza bimwe mu bihugu ku Isi kurangwamo imikorere mibi y’itangazamakuru.

Foreign Policy na Press Freedom Index bidufasha kubona urutonde rw’ibihugu 5 bizwiho guhohotera Abanyamakuru kurusha ibindi ku isi duhereye inyuma.

5. Igihugu cya Belarus (ku mugabane w’u Burayi)

Ni igihugu kibarizwa ku mugabane w’Uburayi ubwisanzure bw’itangazamakuru yaba iryandikira kuri murandasi, iry’amajwi n’amashusho buba bugererwa ku mashyi kuko byose biba bicungwa na leta .

4. Igihugu cya Erthrea (ku mugabane wa Afurika)

Itangazamakuru muri iki gihugu ahanini riba ricungwa na leta amakuru yose anyura kuri internet aba agomba kugenzurwa na leta ihohoterwa ku nkuru zimwe na zimwe ku banayamakuru bo muri iki gihugu . Urugero nko muri 2012 iki gihugu cyari gifite abanyamakuru 28 bari bafunzwe biturutse kutagira ubwisanzure buhagije .

3. Igihugu cya Uzabekistan (ku mugabane wa Asia)

Muri iki gihugu hari ikibazo cyo gucecekesha abafite imvugo zinenga ibitagenda , ibi bituma bimwe mu bitangazamakuru n’ibinyamakuru bihagarika ibikorwa byabyo kenshi bitewe no kunanirwa gukorera ku mabwiriza akakaye yo muri iki gihugu.

2. Igihugu cya Turkmenistan (ku mugabane wa Asia)

Itangazamakuru muri iki gihugu ryose riba rigomba gucungwa na Leta itangazamakuru ryigenga muri iki gihugu rigomba guhezwa ku mikorere y’imbere muri iki gihugu , turahasanga ubu iki gihugu cyamaze no gutangaza ko gifite umushinga wo gushyiraho icyogajuru cyayo kugiti cyayo mu rwego rwo kugenzura imikorere y’itangazamakuru n’itumanaho muri iki gihugu

1. Igihugu cya Koreya ya Ruguru

Ku mwanya wa mbere ku rutonde rw’ibihugu bibangamira imikorere y’itangazamakuru cyane kurusha ibindi ku Isi turahasanga igihugu cya Koreya ya Ruguru. Kuva ku butegetsi bwa Kim II Sung mu w’1994 kugera ku bwa Kim Jong Un uriho ubu , itangazamakuru muri iki gihugu rigomba gucungwa na leta .

Nk’uko itegeko nshinga ry’iki gihugu ribigaragaza amakuru atanagazwa muri iki gihugu agomba neza n’inzego za leta mbere y’uko ajya hanze , itangazamakuru ryo hanze rikorera muri iki gihugu riragenzurwa cyane n’urwego rwihariye hakagenzurwa ibivugirwa mu matelefone yabo n’ibikorwa byabo umunsi ku munsi .

Itangazamakuru ryo hanze rigera muri iki gihugu riba riri ku kigero cyo hasi, imbuga za interineti zibasha gukora n’izigenzurwa na leta gusa .

Umuturage wo muri iki gihugu kumenya amakuru y’ibivugwa hanze ni nk’inzozi usibye aba yahawe uburengazira bwo gutangazwa.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo
Musinga Kuya 13-11-2017

Urwanda ko mutaruvuga kandi narwo rukora kimwe na koreya ya Ruguru