Donald Trump bwa mbere mu nama ya LONI nka Perezida wa Amerika

Perezida Trump ategerejwe mu nama y’umuryango w’Abibumbye i New York ku nshuro ye ya mbere kuri uyu wa mbere aho aza kugeza ijambo rye rijyanye no kuvugurura LONI ku bitabiriye iyi nama.

Ubutgetsi bwa Trump burashaka ko ibindi bihugu bigira uruhare mu gutera inkunga LONI cyane cyane mu kiguzi cy’ibikorwa byo kubungabunga amahoro ku isi.

Leta Zunze Ubumwe za Amerika ni cyo gihugu gitanga umusanzu mwinshi muri LONI kandi ibi byatumye Bwana Trump yinuba avuga ko Amerika itanga amafatranga menshi cyane.ariko abayobozi muri LONI kandi ugasanga bamushishikariza kutagabanya ayo mafaranga cyane cyane akoreshwa mu bikorwa byo gufasha impunzi.
Ku wa Kabiri, Bwana Trump azageza ijambo ku nama rusange y’Umuryango w’Abibumbye aho azibanda ku ngingo yo gufata ibyemezo bikarishye kuri Koreya ya Ruguru kuri gahunda yayo yo gukomeza gucura ibitwaro bya kirimbuzi.
Mu bihe byashize, Bwana Trump yaneze bikomeye LONI cyane avuga ko ari ishyirahamwe ry’abantu bavuga gusa ubundi bakinezeza.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo