Diane Rwigara n’umuryango we baburiwe irengero

Amakuru akomeje gucicikana avuga ko Diane Rwigara na ba mwe bo mu muryango we baburiwe irengero kuva ejo ku wa Kabiri saa tanu z’amanywa.

Ibyo kuba Diane Shima Rwigara n’umuryango we baburiwe irengero bikaba byatangajwe na Radio Ijwi ry’Amerika ndetse bikaba byashimangiwe na musaza we Aristide Rwigara kuri ubu ubarizwa muri Leta Zunze Ubumwe za Amerika.

Aristide nk’uko yabitangarije umunyamakuru wa RFI, Sonia Rolley yemeza ko bashobora kuba bafunzwe ndetse ko atewe impungenge n’umutekano w’abantu 5 bo mu muryango we atazi aho baherereye kuko ngo telefone zabo zidacamo ndetse na Whatsapp zabo zikaba zakuwe mu murongo.

Umuvugizi wa polisi mu Mujyi wa Kigali, SP Emmanuel Hitayezu yabwiye Bwiza.com ko aya makuru ntayo azi, ariko ko agiye kubikurikirana akagira icyo aza gutangaza.

Diane Shima Rwigara ni umwe mu bashatse kwiyamamariza kuyobora u Rwanda mu matora ya Perezida yabaye muri uku kwezi gusa ntibyamuhiriye kuko Komisiyo y’Amatora(NEC) yatangaje ko hari ibyangombwa atujuje kugira ngo yemererwe guhatanira uyu mwanya.



Tanga igitekerezo kuri iyi nkuru



Igitekerezo