Cristiano Ronaldo Mu mazi abira

Umukinnyi w’icyamamare mu mupira w’amaguru CRISTIANO RONALDO ukomoka mu gihugu cya Portugal agakinira ikipe ya Real Madrid yo mu gihugu cya Espagne yahagaritswe imikino itanu yose adakandagira mu kibuga ndetse n’ihazabu y’akayabo k’ibihumbi Magana inani by’amadorari y’amanyamerika.

Ibi bihano yabihawe nyuma yo gusunika umusifuzi Ricardo De Burgos Bengoetxea ku cyemezo yari afashe cyo kumwereka ikarita ya kabiri y’umuhondo yamuviriyemo iy’umutuku(Iyi ni ikarita ya gatandatu y’umutuku kuri CRISTIANO RONALDO akinira Real Madrid) agahita anasohorwa mu kibuga nubwo yari yafashije ikipe ye kugera ku ntsinzi.

Ibi yabikoze ubwo ikipe ye ya Real Madrid yo mu gihugu cya Espagne yakinaga na mukeba wayo FC BARCELONE bakina umukino wa mbere wo guhatanira igikombe kiruta ibindi mu gihugu cya Espagne kizwi nka SUPER CUP.

Ni nyuma kandi y’inama yahuje abayobozi b’ishyirahamwe ry’umupira w’amaguru I Burayi rizwi nka UEFA harebwa neza amashusho y’uyu mukino wahuje aya makipe yombi y’amakeba ibihe byose mu gihugu cya Espagne.Uyu mukino waberaga ku kibuga cy’ikipe ya Barcelona Camp Nou ariko ibi ntibyatume ibasha kwitwara neza kuko Real Madrid itayoroheye ikayitsindira iwayo ibitego bitatu byose kuri kimwe(3-1).

Bityo umuntu yahera aha avuga ko bitazorohera ikipe ya FC Barcelone ikeneye iki gikombe kugira ngo nayo akabati kayo uyu mwaka kakire igikombe cyane ko uyu mwaka w’imikino utanayigendekeye neza ntibone igikombe na kimwe nkuko yari yarabimenyereje abafana bayo. Umukino wo kwishyura uteganyijwe uteganyijwe kuri uyu wa gatatu I saa tanu ku kibuga cya Real Madrid I Santiago Bernabeu.

Gusa ntawavuma iritarenga kuko hakiri umukino wo kwishyura ariko nawo udatanga ikizere cyuzuye cyane ko noneho Real Madrid izaba ikinira ku kibuga cyayo ndetse n’imbere y’abafana bayo ariko ngo burya mu mupira w’amaguru byose biba bishoboka mu minota mirongo icyenda kuko abakinnyi aba ari cumi n’umwe kuri cumi n’umwe.

Daniel MUKESHIMANA
UMUBAVU.COM



Tanga igitekerezo kuri iyi nkuru



Igitekerezo