Canada : Umwana w’imyaka 17 yakoze telefoni nshya

Umwana w’umuhungu w’imyaka 17 uba mu gihugu cya Canada yikoreye telefone inyuma yuko nyina amubwiye ko atabona amafaranga yo kumugurira iyo mu bwoko bwa "smartphone".

Avugana na BBC, Mo Omer wiyita "inyurabwenge mu by’ikoranabuhanga" yavuze ko yakoze "smartphone" bityo akaba avuga ko azajya ayigurisha amadolari 180.
Iyi telefone ifite ibintu byose usanga mu zindi telephone gusa akaba atayigurisha amafaranga menshi ugereranyije n’izind binganya ubushobozi nkuko uyu mwana yabitangaje.
Mo Omer yakomeje agira ati “Telefone si ikintu kigoye gukora" yongeyeho ko ateganya kwagura umushinga we akazajya no gukorera mu bihugu byo ku mugabane wa Afurika.
Yasojre avuga ko hari ari abantu benshi bashaka kumuha isoko ndetse na bimwe mu bihugu bya Afurika nka Nigeria ndetse na Algeria no mu tundi duce twinshi, ngo azakomeza kugenda yagura ibikorwa bye hirya no hino ku isi nkuko yifuza kugira isoko ryagutse rya telefoni ye.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo