Byanga bikunda umwaka wa 2018 ugomba kuba uw’impinduka zikomeye muri Kenya - Raila Odinga

Umuyobozi w’Impuzamashyaka atavuga rumwe na Leta muri Kenya (NASA), Raila Odinga aragira inama Perezida Uhuru Kenyatta gukora ibishoboka byose byanze bikunze uyu mwaka wa 2018 ukaba uw’impinduka zikomeye muri politiki y’igihugu by’umwihariko ashaka ikintu cyose cyagarura igihugu mu mutuzo. Odinga aravuga ibi mu gihe aheruka gutangaza ko azarahirira kuyobora Kenya mu mpera z’uku kwezi kwa mbere.

Mu kiganiro yagiranye n’imwe muri Radio zo mu gihugu cya Kenya kuri telefoni, Raila Odinga yavuze ko uyu mwaka wa 2018 ari umwanya Perezida Uhuru Kenyatta yakagombye gukoresha ashaka inzira nyayo y’ibibazo bya politiki bihora byugarije igihugu.

Odinga aravuga kandi ko kuri we uyu mwaka wa 2018 byanga bikunda ugomba kuba uw’impinduka ahora ashaka nyuma y’imyaka n’imyaka ishize.

Odinga na Kalonzo Musyoka basanzwe bafatanyije kuyobora impuzamashyaka atavuga rimwe na Leta ya Kenya, baheruka gutangariza abarwanashyaka babo ko ku itariki ya 30 Mutarama 2018 aribwo bazarahirira kuyobora igihugu.

PNG - 754.6 ko
Odinga aganira n’imwe muri Radiyo kuri telefoni


Odinga kugeza kuri ubu utaremera ko Uhuru Kenyatta yegukanye intsinzi mu matora yasubiwemo nyuma yuko aya mbere yateshejwe agaciro n’urukiko rukuru, aracyashimangira ko bikwiye ko intsinzi ya Uhuru Kenyatta yongera guteshwa agaciro ibintu byamaganywe n’urukiko nyuma yo kwemeza bidasubirwaho iyi ntsinzi.

PNG - 862.5 ko
Abayobozi ba NASA baganira n’abayoboke babo


Perezida Uhuru Kenyatta yarahiriye kuyobora igihugu mu buryo bwemewe n’amategeko ku wa Kabiri tariki ya 28 Ugushyingo 2017 kuri manda ye ya kabiri ari nayo ya nyuma ayobora igihugu nkuko Itegeko Nshinga ribiteganya.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo