Bwa mbere mu mateka abagore bo muri Arabia Saoudite bemerewe gutwara imodoka

Umwami wa Arabie Saoudite, Salman yahaye abagore uburenganzira bwo gutwara imodoka, ibi bikaba bibaye ubwa mbere mu mateka y’iki gihugu kuva cyabaho.
Iyi ngingo yemejwe nyuma y’igihe kitari gito imiryango itandukanye iharanira uburenganzira bw’abagore isaba ko abagore barekurirwa gutwara imodoka.

Umunyamategeko Abdallah al-Mouallimi yagize ati "Bagore namwe bagabo turazi ko mwari mwiteze kumva ko umwami yashyize umukono ku ngingo iha uburenganzira abagore bo mu gihugu cya Arabia Saoudite bwo gutwara imodoka. Ibi ni ibintu bishya kandi byiza ku bantu bo muri iki gihugu haba ku bagore cyangwa ku bagabo”.

Avugana n’abanyamakuru, umuvugizi wa Amerika, Madamu Heather Nauert yavuze ko bakiranye umunezero iri tangazo. Yagize ati "Tunejejwe cyane no kumva iyo ngingo ivuga ko abagore bo muri Amerika bahawe uburenganzira bwo gutwara imodoka, aha muri Amerika turabyishimiye, kandi tubona ko ari intambwe ikomeye iki gihugu giteye".
Uhagarariye umuryango uharanira uburenganzira bw’abagore mu gihugu cya Arabia Saoudite yigenze gupfungwa iminsi igera kuri 73 azira ko yanze ko abagore bemererwa gutwara imodoka. Ku rukuta rwe rwa Twitter ubwo yafungurwaga yanditseho agira ati “Thank you God” bisobanura ngo “Urakoze Mana”.
Iyi ngingo izatangira gushyirwa mu kwezi kwa gatandatu umwaka utaha wa 2018 mu gihe hagitegerejwe ko ubutegetsi bw’iki gihugu butegura amategeko ajyanye n’iyi ngingo.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo