Burundi:Abasore 6 bashinjwa kwiba bagatema abantu  bafashwe

Kuri uyu wa Gatanu tariki 17 Ugushyingo 2017 ,Igipolisi cy’u Burundi cyerekanye abasore batandatu bashinjwa kwiba bitwikiriye ijoro bakoresheje imihoro.

Umuvugizi w’Igipolisi cy’u Burundi,Pierre Nkurikiye yavuze ko aba basore bafatiwe muri karitsiye ya Gisyo, zone Kanyosha, Komini ya Muha iri mu majyepfo y’Umujyi wa Bujumbura, bafite imipanga itatu n’ibyo kumurikisha (torches) eshatu.

Umuvugizi w’igipolisi kandi avuga ko mbere yo kwiba umuntu babanzaga kumutema bakaba bafashwe mu rukerera rwo kuri uyu wa Gatanu aho bivugwa ko bari mu gatsiko k’abajura biba nijoro bagatega abagenzi.

Pierre NKURIKIYE arashimira abitanze bose kugira ngo bafatwe, yongeraho ko batangiye gukorerwa amadosiye ngo bashyikirizwe ubutabera.

Hari hashize kwezi kumwe hafashwe abandi bane bashinjwa kwiba bakoresheje imihoro , muri ako gace ka Kanyosha nk’uko bitangazwa na bimwe mu binyamakuru byandikirwa mu Burundi.



Tanga igitekerezo kuri iyi nkuru



Igitekerezo