Burundi:Abantu  8 barishwe  abandi  barenga 10 barafungwa

Umuryango utegamiye kuri Leta Uharanira Uburenganzira bw’Ikiremwamuntu(SOS-Torture) uvuga ko kuva tariki 26 Kanama kugeza ku ya 2 Nzeri 2017 mu Burundi abantu 8 bishwe naho abandi barenga 10 bagafungwa mu buryo bunyuranyije n’amategeko.

Nk’uko bikubiye muri Raporo uyu muryango wasyize ahagaragara ngo mu batawe muri yombi harimo urubyiruko rwari ruvuye muri Uganda bivugwa ko baba bavuze baba bavuye mu myitozo y’imitwe y’inyeshyamba kuko ngo bari bamazeyo igihe kirekire.

Umuyobozi ushinzwe guhuza ibikorwa mu muryango SOS-Torture,Reverien NDAYISENGA avuga ko bafite impungenge z’uru bubyiruko rwatawe muri yombi kuko ngo kuva bafatwa kugeza ubu ntamuntu uzi aho baherereye.

SOS-Torture kandi muri iyi raporo irashinja urubyiruko rw’Ishyaka riri ku butegetsi mu Burundi ,CNDD-FDD(Imbonerakure) n’abashinzwe umutekano guhohotera abagore n’abakobwa bagera kuri 20.

Uyu muryango ukaba usaba ko abagize uruhare muri ibi bikorwa byo guhohotera abagore n’abakobwa bagezwa imbere y’ubutabera.



Tanga igitekerezo kuri iyi nkuru



Igitekerezo