Bombori bombori hagati  y’Umuyobozi w’ibitaro bya Karongi na Comptable wabyo

Ku bitaro bya Karongi hari ikibazo cy’amakimbirane hagati y’umuyobozi w’ibitaro na comptable wabyo, amakimbirane agira ingaruka ku mitangire ya serivisi z’ababigana n’imicungire y’abakozi b’ibitaro. Ubuyobozi bw’Akarere buvuga ko buri gukemura iki kibazo.

Ishingiro ry’amakimbirane yabo ntabwo riramenyekana

Mu cyumweru gishize Mme Uzamukunda yabwiye Ikinyamakuru Umuseke dukesha iyi nkuru ko ko afitanye amakimbirane n’umuyobozi w’ibitaro kandi akomeye ndetse ngo agiye kwishinganisha, gusa ntiyifuje kubwira Umuseke icyo ashingiyeho.

Dr Nkusi Eugene we avuga ko amakimbirane bafitanye ashingiye ku myitwarire y’uyu comptable mu gihe aba abajijwe inshingano ze.

Imwe mu ibaruwa isubiza iy’umuyobozi yari yamwandikiye amusaba ibisobanuro, Mme Uzamukunda akoresha imvugo.

Ati “Bwana Muyobozi, hamwe n’iyi baruwa nongeye kugusaba kudakomeza kuntesha umutwe unyandikira amabaruwa ansenya aho kunyubaka, aho ukomeje kunyandikira unyereka ubugome n’urwango umfitiye nkaho hari urubibi duhuriyemo.”

Ingaruka z’amakimbirane hagati y’aba bakozi b’ibitaru by’ikitegererezo by’Intara ni servisi zimwe na zimwe zicumbagira, zirimo imishahara n’ibindi bigenerwa abakozi bireba aba bayobozi bombi. Ingaruka ziziguye zikagera no ku bandi bagana ibi bitaro.

Guverineri w’Intara y’Iburengerazuba yabwiye avuga ko iki kibazo yakigejejweho agasaba Akarere ka Karongi kugikemura kinyamwuga.

Ubwo yavuganaga n’Umuseke mu mpera z’icyumweru gishize, Guverineri Alphonse Munyatwari yavugaga ko mu nama yo kuwa mbere (ushize) basabye Akarere gukemura iki kibazo bitarenze icyumweru kimwe.

Francois Ndayisaba uyobora Akarere ka Karongi yabwiye Umuseke ko iki kibazo bari kugikurikirana byihutirwa kugira ngo bitagira ingaruka ku bagana ibitaro.

Perezida Kagame arahiza abayobozi mu cyumweru gishize yagaye cyane abayobozi badakorana neza, batavugana ngo bakorere hamwe kandi bakorera ahantu hamwe, avuga ko iyo bimeze bityo n’imirimo bakora idakorwa uko bikwiye.

Ibitaro bya Karongi byahawe imashini igezweho yo gusuzuma indwara “scaneur” ariko imaze igihe kinini idakora. Bikavugwa ko ari imikoranire myiza y’abashinzwe ibitaro ibura kugira ngo ikibazo cyayo nacyo gikemuke.

Kimwe mu bigaragaza amakimbirane aba bakozi b’ibitaro bafitanye ni ibaruwa y’umuyobozi w’ibitaro n’igisubizo yahawe n’uwo yandikiye.

Ibaruwa yo kuwa 21 Nyakanga isaba ibisobanuro comptable :



Tanga igitekerezo kuri iyi nkuru



Igitekerezo