Bishop Dr Aloys Ndindabahizi agiye kwiyongera mu mu mubare w’intumwa (Apotre) dufite hano mu Rwanda

Uko iminsi ishira hano mu Rwanda umubare w’abakozi b’Imana bageze ku rwego rwo kwitwa Intumwa z’Imana ugenda wiyongera ,mu batari benshi basanzwe Bishop Dr Aloys Ndindabahizi uyobora itorero rya Agape Blessing Community Church akomeje imyiteguro y’umuhango ukomeye azahabwamo inshingano yo kuba “Intumwa y’Imana”(Apotre).

Aganira n’itangazamakuru Bishop Dr Aloys Ndindabahizi yavuzeko kwitwa cyangwa kuba Intumwa y’Imana”Apotre” atari ikintu cyoroshye ko ndetse umuntu wese ufite iyi Titre agomba koko kugerageza kwitwararika muri byose akanaharanira kwagura ubwami bw’Imana kure hashoboka kuko ariyo nshingano nyamukuru y’intumwa.
Bishop Dr Aloys Ndindabahizi yakomeje avugako burya muri uyu murimo w’Imana bitoroshye ko umuntu yagera kurwego rwo kuba intumwa y’Imana atabifite mw’isezerano ryayo . muri aya magambo yagize ati :Njyewe ubundi kuva mbere hose nakoraga ibijyanye n’ubushakashatsi mu byerekeye amabuye y’agaciro noneho mu mwaka wa 2004 nakiriye agakiza mpita ntangirana no gukorera Imana maze mu mwaka w’I 2012 nimikirwa kuba Bishop kuko nari naratangije itorero ryitwa Agape Blessing Community Church n’ubu mbereye umuyobozi kandi byose mbifatanya naka kazi kanjye gasanzwe .

Aha yagize ati :”Muri iyi myaka yose nari mfite isezerano ryo kuzaba Intumwa y’Imana(Apotre) nkagura ubwami bwayo mw’isi yose nkuko nabitangiye kuko ubu Agape Blessing Community Church n’itorero rifite amashami mu turere twose tw’igihugu cy’u Rwanda ,tukagira n’ishami muri Reta zunze ubumwe z’amaerika ndetse tukaba dukomeje no kwagukira hirya no hino kw’isi ahakurikiyeho akaba ari muri Australia”.

Uyu muhango ukomeye uzitabirwa n’abahanzi batandukanye nka Alice Tonny ,Mbonyimfura Jean Damascene , Agape Choir , Blessing Choir n’abandi bakozi b’Imana ba hano mu Rwanda no hanze yarwo.

Uyu muhango uzaba ku wagatandatu taliki ya 02 Mata ukazabera munzu mberabyombi ya Maranatha Church igikondo aho Bishop Dr Aloys Ndindabahizi azimikwa n’intumwa y’Imana (Apotre) Kazimiri Daniel Nyirimbirima ufatwa nka Sekuruza w’abiziera hano mu Rwanda .

w’Imana ,uyu musore wo hagati ni Pastor Indatwa Jean de Dieu ashyikirizwa Certificat yo guhabwa inshingano y’ubu pasiteri

Yanditswe na Joel Sengurebe/Mr Jo Gospel Promoter



Tanga igitekerezo kuri iyi nkuru



Igitekerezo