Bigirimana arashinjwa gucuruza abantu  10  harimo n’abagabo

Umugabo witwa Gerard Bigirimana arashinjwa gucuruza abantu abakuye mu Burundi aho afite umwihariko wo kuba mu bo acuruza harimo n’abagabo.

Uyu mugabo ubwo yerekwaga itangazamakuru mu Burundi, Umuvugizi w’Igipolisi ,Pierre Nkurikiye yavuze ko kuba yafashwe ari ikimenyetso simusiga kigaragaza ko mu Burundi hakorwa icuruzwa ry’abantu.

Pierre Nkurikiye yakomeje avuga ko Gerard BIGIRIMANA avuka muri komine Bugendana, intara ya Gitega, ubu akaba yari atuye mu mujyi wa Bujumbura, muri quartier Kinanira 3 ,iri muri zone Musaga, komine Muha.

Akomeza avuga ko Bigirimana yafashwe tariki 22 Ugushyingo 2017 ari kumwe n’umukobwa yagombaga kujyana i Kigoma mu gihugu cya Tanzania.

Umuvugizi w’Igipolisi cy’u Burundi akomeza avuga ko hagendewe ku iperereza rimaze gukorwa ngo muri Tanzania hari umuntu wari utegereje uyu mukobwa aho yagombaga kumujyana muri Kenya ari naho yagombaga kuva ajya mu bihugu by’Abarabu.

Ngo Bigirimana mu bantu 10 amaze gucuruza harimo n’abagabo babiri ndetse ko no muri Telefone ye igendanwa harimo amakuru abyemeza.

Pierre NKURIKIYE asaba abarundi bose kumenyesha igipolisi hakiri kare, mu gihe cyose baketse ko hari gukorwa icuruzwa ry’abantu nk’uko byatangajwe n’ibinyamakuru bitandukanye bikorera mu Burundi.

JPEG - 135.6 kb
Bigirimana ushinjwa gucuruza abantu


Travel for Free!


Tanga igitekerezo kuri iyi nkuru



Igitekerezo
harerimana esidras Kuya 8-12-2017

lbibyo birakabije nukuri nahongaho tugeze? Bigomba gucikape