Bidasubirwaho icyamamare muri Ruhago, Weah yegukanye intsinzi yo kuyobora Liberia

Ni nyuma yuko kuri uyu wa kane tariki 28 Ukuboza 2017, Komisiyo y’Amatora yo mu gihugu cya Liberia itangaje ko George Weah yatsinze amatora y’Umukuru w’Igihugu inkuru yishimiwe n’Abanya-Liberia benshi bashyigikiye uyu mugabo wamamaye muri Ruhago akanatwara umupira wa Zahabu (Ballon d’Or), ari we munyafurika wa mbere ubikoze.

Learn how to Thrive

Komisiyo yatangaje ko nyuma yo kubarura amajwi mu mpapuro z’abatoye ku kigero cya 98.1%, Weah yagize amajwi 61.5% y’abatoye.

Joseph Boakai, wari usanzwe ari Visi Perezida wa Liberia kuva mu 2005, wahatanaga na Weeah ari inyuma n’amajwi 38.5% mu matora yabaaye mu cyiciro cya kabiri kuwa Kabiri, tariki ya 26 Ukuboza 2017.

PNG - 696.8 kb
Iyi foto niyo Weah yakoreshaga mu bikorwa bye byo kwiyamamaza


Itsinzi ya Weah wamamaye muri ruhago, Umunyafurika wa mbere watwaye umupira wa zahabu (Ballon d’Or) mu 1995, yari yitezwe kuko mu cyiciro cya mbere cy’amatora yari yabonye amajwi menshi angana na 39% mu gihe uwo bari bahanganye Boakai yaje ku mwanya wa kabiri n’amajwi 29%.

Bwa mbere mu mateka ya Liberia, hagiye kubaho guhererekanya ubutegetsi binyuze muri demokarasi.

Weah agiye gusimbura Ellen Johnson Sirleaf, umugore wa mbere wabaye Perezida w’igihugu muri Afurika; Sirleaf yayibereye Perezida mu 2006 asimbuye Charles Taylor wavanywe ku butegetsi mu 2003 n’umutwe w’abarwanyi.

Daniel MUKESHIMANA/Umubavu.com


Travel for Free!


Tanga igitekerezo kuri iyi nkuru



Igitekerezo