Bidasubirwaho Amerika igiye gutera Koreya ya Ruguru

Kuri uyu wa kabiri Perezida wa Reta Zunze Ubumwe za Amerika, Donald Trump yatangaje ko Amerika yiteguye byeruye gukoresha ingufu za gisirikare mu guhangana na Koreya ya Ruguru ku mugambi wayo wo kugerageza no gukora ibitwaro by’ubumara.

Donald Trump yagize ati "Turiteguye gukoresha imbaraga za gisirikari nubwo atari byo twifuza cyane ko burya intambara itikiza byinshi birimo ibikorwa remezo, inganda, imihanda ndetse n’ibindi, ariko nta yandi mahitamo”.

Ibi Trump yabivugiye mu kiganiro n’abanyamakuru kuri uyu wa kabiri ari kumwe na Minisitiri w’intebe wa Espanye Mariano Rajoy kuri White house.
Yashimiye ibihugu nka Espanye n’u Bushinwa uburyo bikomeza kwitwara cyane cyane mu bibazo by’ubutegetsi bwa Koreya ya Ruguru.

Donald Trump kandi arasaba amahanga yose guhagurukira rimwe agahagarika umugambi wa Koreya ya Ruguru wo gukomeza gukora ndetse no kugerageza ibitwaro bya kirimbuzi kandi by’ubumara.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo