Bibye imodoka inzoka zibabuza kuyijyana

Mu gihugu cya Kenya, mu mugi wa Mombasa mu gace ka Bamburi, abagabo babiri bibye imodoka nyirayo bivugwa ko ari umurozi abatuma inzoka nini cyane bazisanga muri iyi modoka zibabuza kuyitwara.

Ibi bisambo bibiri ngo n’ubundi byaherukaga kwiba imodoka y’uyu murozi abituma inzoka zibibuza kuyitwara.

Aba bagabo babiri ngo batumwe inzoka kugeza ubwo zibateje kubyina no kwiyambura ubusa mu ruhame ndetse banaziheka ku ntugu zabo kugera nyir’iyi modoka ahageze.

Kuri uyu wa gatatu nibwo abaturage bamenye iyi nkuru ubwo bari muri gahunda zabo mu mugi wa Mombasa niko kubona ibi bisambo bibyina mu nzira byiyambitse ubusa nyuma bimenyekana ko ari uyu murozi ny’ir’imodoka wabitumye izi nzoka kugira ngo zibibuze gutwara iyi modoka dore ko ngo byari binazambaye ku majosi yabyo.

Ibi byatumye ibi bisambo bisohoka muri iyi modoka bijya hanze byiyambura imyambaro yose bitangira kwivuruguta mu byondo ndetse binabyogesha iyi modoka byari byibye niko gutangira kubyina bihetse inzoka ku majosi yabyo.

Nkuko tubikesha TUKO.co.ke ngo uyu mugabo yatumye ibi bisambo izi nzoka kugira ngo bitajyana iyi modoka ndetse ngo yashakaga kugira ngo bifatwe bishyikirizwe Police’

Nyuma ny’ir’iyi modoka yaje kuhagera niko gukora ubufindo abantu bavuze ko ari iby’abazimu izi nzoka ziragenda aba bagaboniko gusubira ibuntu.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo