Barutwanayo wari Umuyobozi wa Komini yishwe atewe ibyuma

Serges Barutwanayo, yahoze ari Umuyobozi wa komini Kirundo mu gihugu cy’u Burundi yishwe atewe ibyuma byinshi mu mugongo no mu mutima.

Learn how to Thrive

Barutwanayo ngo akaba yarishwe mu ijoro ryo ku wa Kabiri tariki 28 Ugushyingo 2017 ubwo yari atashye iwe aho yatezwe n’abantu kugeza ubu bataramenyekana nk’uko byemezwa n’igipolisi cy’u Burundi.

Uyu wishwe akaba yari umurwanashyaka wa UPRONA ishami riyoborwa na Charles NDITIJE, akaba yari asanzwe ari umunyamabanga wungirije w’iri shyaka aho yishwe ageze hafi y’iwe.

Amakuru atangwa n’Igipolisi cy’u Burundi avuga ko Barutwanayo yatezwe n’abantu babiri ubwo yatahaga ndetse bakaba baramuteye ibyuma byinshi nk’uko bigaragara ku murambo we ngo akaba yaraguye mu nzira ajyanywe mu bitaro mu Ntara ya Kirundo.

Ibinyamakuru bitandukanye byandikira mu Burundi bivuga ko umuntu umwe ariwe umaze gutabwa muri yombi akekwaho kugira uruhare mu rupfu rwa Barutwanayo.

Serges BARUTWANAYO yabaye Umuyobozi wa Komini Kirundo kuva mu mwaka w’1994 kugeza mu 2003.

Gabriel Habineza/Umubavu.com


Travel for Free!


Tanga igitekerezo kuri iyi nkuru



Igitekerezo