Bagiye kwicwa n’inkoni bazira kudatanga amafaranga yo guhemba Imbonerakure

Abaturage bo muri Zone ya Buruhukiro mu Ntara ya Rumonge baratabaza kubera amafaranga bakwa n’ubuyobozi bivugwa ko agenewe ibikorwa by’iterambere muri iyi Zone ndetse no guhemba urubyiruko rw’Ishyaka riri ku Butegetsi mu Burundi (CNDD-FDD) ruzwe nk’Imbonerakure.

Aba baturage bavuga ko aya mafaranga bayakwa n’umuyobozi w’iyi Zone,Ernest Nduwayo afatanyije n’Imbonerakure ndetse ko hakoreshwa ingufu kuko umuturage utayatanze akubitirwa iwe.

Nk’uko bitangazwa n’abaturage ngo aya mafaranga atangwa mu byiciro bitatu.Mbere na mbere buri rugo rugomba gutanga amafaranga y’Amarundi ibihumbi 30 agenewe kubaka ibitaro gusa bashimangira ko ari ikinyoma cyashyizweho n’abayobozi bagamije gushyira abaturage mu kene bukabije.

Ngo hari ikindi cyiciro aho urugo rutanga ibihumbi 20 yo kubaka ibiro by’Ishyaka rya CNDD-FDD andi ngo ni ibihumbi 12 Imbonerakure zaka abaturage ku ngufu zivuga ko ari umusanzu w’abanyamuryango bihuriro ry’abahinzi bo kumusozi wa Buzimba n’uwa Gitwe ibarizwa muri Zone ya Buruhukiro.

Nk’uko bitangazwa na RPA ngo aba baturage baratabaza bavuga ko aya mafaranga bakwa ari menshi kuko akomeje kubashira mu bukene bukabije gusa umuyobozi wa Zone ya Buruhukiro,Ernest Nduwayo nta kintu aravuga kuri iki kibazo.

Gabriel Habineza/Umubavu.com

.



Tanga igitekerezo kuri iyi nkuru



Igitekerezo