Australia : Ministri w’intebe ashyigikiye ko abatinganyi basezerana

Ministri w’intebe wa Australia, Malcom Turnbull, yavuze ijambo ritari ryitezwe ko ashyigikiye ko abatiganyi bemererwa gusezerana nk’umugore n’umugabo imbere y’amategeko.

Ibyo yabivugiye imbere y’abantu babarirwa mu bihumbi bari mu myigaragambyo yo kwerekana ko nabo babishyigikiye. Ntabwo byari bizwi niba Minisitiri Malcom Turnbull ashyigikiye ko abatinganyi basezerana.
Abantu barenga ibihumbi 20 bari bateraniye mu mujyi wa Sydney mu myigaragambyo barimo gukora mbere yuko inteko nshingamategeko ya Australia itora itegeko rigamije kwemeza cyangwa se kwanga ko abatiganyi bemererwa gusezerana mu mategeko.
Inteko nshingamategeko ya Australia izatangira kubyiga ku itariki ya 12 z’uku kwezi ariko icyemezo kizafatwa mu kwezi kwa cumi na rimwe.
Abandi banyapolitiki bo muri Australia, barimo umukuru w’abatavuga rumwe na leta, Bill Shorten, nabo bavugiye ijambo imbere y’iyo mbaga berekana ko babashyigikiye.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo