Atunzwe no kunywa amaganga y’inka ze no kurya amase yazo

Vijay Parsana w’imyaka 44 y’amavuko ukomoka mu gihugu cy’u Buhinde muri Leta ya Gujarat mu mugi wa Ahmedabad, yahunze umuryango we ajya kwibanira n’inka ze ku gasozi byanatumye yambikana impeta n’imwe mu nka ze ubu akaba atunzwe n’amaganga (’inkari) yazo ndetse no kurya amase yazo ibyo we yita ko bituma agubwa neze ndetse akagira ubuzima bwiza.

Uyu mugabo umaze imyaka 5 yose yarahunze umuryango we ngo abone uko yambikana impeta n’imwe mu nka ze yavuze ko ubu yitungiwe no kunywa amaganga y’inka ze ndetse akanarya amase yazo ibi bikamutera kugubwa neza ndetse no gukomeza kugira ubuzima bwiza.

Vijay Parsana ngo yahisemo kureka ibindi byose kugira ngo abone uko yita ku nka ze kugeza nubwo afashe imwe muri zo bakaba bararana ku buriri bumwe nayo. Ibi byamuteye gusa n’uwabuze ubwenge ku buryo kugeza ubu afitiye inka ze urukundo rudasanzwe rwo kigero kiasanzwe.

Mu kiganiro yagiranye n’ibitangazamakuru bitandukanye yagize ati “urukundo nkundana n’inka zange sinabasha kurusobanura. Nta kintu na kimwe cyandutira inka. Iyo ndi kumwe na zo zinyibagiza ibibazo byo mu isi kandi nta n’ikintera ubwoba iyo ndi kumwe na zo”.

Dufitanye igihango gikomeye n’inka zanjye kandi ndizera ko n’umuryango wange ubyishimiye. Ndizera ko zinyumva nange nkazumva, dusangira umubabaro wose ndetse n’agahinda”.

Vijay Parsana ngo yakoresheje amafaranga asaga miliyoni 1.8 mu mafaranga akoreshwa mu buhinde mu bukwe bwe n’inka ye y’imbyeyi yitwa Poonam ndetse n’ikimasa kitwa Arjun. Ubu bukwe bwe bukaba bwaratashye n’abantu basaga 5000 ibyo bo bise amahano.

Uyu mugabo ngo asanzwe ari umutunzi w’inyamaswa zitandukanye zirenga 2000 ngo ubu akaba afitemo ibimasa 2, imbwa 6, ibisiga n’inyoni byinshi, inzoka ndetse n’inkwavu.

Geeta Parsana w’imyaka 44 y’amavuko ngo afatanyije n’umuryango w’uyu mugabo batangiye bamwita umusazi ngo none ubu nabo babona ari byiza.

Geeta Parsana yagize ati “inkari z’inka zigira intungamubiri nyinshi. Zifasha umubiri gusohora imyanda ndetse no kuwurinda ibinure. Kunywa agakombe kamwe k’inkari z’inka buri gitondo byafasha umubiri cyane bigatuma umuntu agubwa neza. Ahubwo buri wese ntiyakagombye gucikwa”.

Daniel MUKESHIMANA/Umubavu.con



Tanga igitekerezo kuri iyi nkuru



Igitekerezo