Ashobora kwihindura satani akanagenda nk’inzoka

Umugore w’imyaka 24 y’amavuko utavuzwe amazina wo mu ntara ya Nyandarua mu mugi wa Ol Kalou mu gihugu cya Kenya yateye abantu ubwoba nyuma yuko yihinduye ikiremwa kidasanzwe abanytu bise shitani ndetse akanagendesha inda nk’inzoka.

Uyu mugore ngo asanzwe azwiho gukora ibintu bisa nk’ibitangaza cyane cyane akoresheje umukufu wambarwa mu ijosi yahawe n’umukunzi we. By’umwihariko ibi byose abikora iyo avuye ku Nyanja y’Abahinde.

PNG - 982.5 ko
Dore uyu mugore yahinduye isura utamenya icyo ari cyo


Uyu mugore ngo asanzwe ari umucuruzi mu gihugu cya Kenya ngo kuri ubu ubucuruzi bwe bwabaye buhagaze nyuma y’ibi byose. Uyu mugore kandi ngo hari n’igihe agurukanwa n’umuyaga ibintu bitera ubwoba cyane abantu batuye mu gace abarizwamo.

Ku itariki 7 Ugushyingo 2017, nibwo uyu mugore yagaragaye mu mugi wa Ol Kalou ubwo yari ashungerewe n’abantu batandukanye bareba uburyo agenda yihinduranya akanakora ibintu biteye ubwoba birimo kwihindura ikindi kiremwa abantu bakayoberwa icyo ari cyo.

Amakuru yanditswe na bimwe mu binyamakuru byo muri Kenya avuga ko uyu mugore ubwo bamubonaga atashoboraga guhagarara yemye ahubwo yagendaga nk’inzoka akurura inda ku butaka ku buryo byasabye abantu kumuhagurutsa ngo barebe ko yashobora kugenda.

Uyu mugore ngo usanzwe uniyita Mama Rusiferi (Mama Lucifer Levanoda) bivugwa ko yatangiye gukora ibi byose nyuma yuko ahawe umukufu wambarwa mu ijosi n’inshuti ye ari nawo yakoreshaga mu buryo bwayobeye abamubonye.

PNG - 1.1 Mo
Abantu bageragezaga guhagurutsa uyu mugore kuko atabibashaga


Byavuzwe ko umukufu yahawe n’inshuti ye iwumuhereye ku Nyanja y’abahinde ari wo wamuzaniye aya mabara yose kuko ngo n’ubundi yarwanaga ashaka gusubirayo.

Abantu bagerageje gukora ibishoboka byose ngo bagaburire uyu mugore ariko arabananira ngo akababwira ko ararya ageze ku Nyanja y’abahinde aho yaherewe umukufu wamuteje ingorane.

Kubw’amahirwe uyu mugore yabaye nk’ugaruka ibumuntu nyuma yuko uyu mukufu yari yahawe utwitswe ugashenguka.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo