Amerika igiye gutera Koreya ya Ruguru

Minisitiri w’ububanyi n’amahanga wa Koreya ya Ruguru, Ri Yong-ho arashinja Perezida Donald Trump wa Leta Zunze Ubumwe za Amerika (US) gutangaza intambara ku gihugu cye kandi yongeraho ko mu gihe Amerika yaba ibateye bazitabara.

Ri Yong-ho yabwiye abanyamakuru i New York ko Koreya ya Ruguru ifite uburenganzira bwo kurasa indege z’intambara za Amerika naho zitaba ziri ku butaka bwa Koreya ya Ruguru.
Yagize ati “Amahanga akwiye kwibuka neza ko ari Amerika yatangaje bwa mbere intambara”. Ibi bihugu byombi bikaba byari bimaze igihe kitari gito biri mu ntambara yo guterana amagambo.

Gusa nubwo Koreya ya Ruguru ivuga ibi, ibiro by’umukuru w’igihugu bya Amerika, White House byatangaje ko bitigeze bitangaza intambara kuri Koreya ya ruguru nkuko yo ibivuga.
Umuvugizi wa Minisiteri y’ingabo ya Amerika, Pentagon Colonel Robert Manning yabwiye abanyamakuru ko mu gihe Koreya ya ruguru itahagarika agasuzuguro kayo no gushotorana bya hato na hato, igisirikare cya Amerika kizahitiramo Perezida Trump umwanzuro nyawo kuri iki gihugu cya Koreya ya Ruguru.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo