Amerika:Umwuzure  washyize ubuzima bwa benshi mu kangaratete(AMAFOTO)

Tariki ya 27 Kanama 2017 nibwo umujyi wa Houston wo muri leta ya Texas imwe mu ma Leta zigize Amerika,yibasiwe n’umwuzure udasanzwe aho wasenye amazu ndetse ugatwara n’ubuzima bw’abantu.

Televisiyo ya CNN itangaza ko abagera ku 8 aribo bamaze kuhasiga ubuzima barimo umugore wari utwaye imodoka ndetse n’umugabo wishwe n’amashanyarazi mu gace ka Rockport, naho abandi barenga ibihumbi bibiri bakaba bari gushaka aho bahungira mu gihe hagitegerejwe ko uyu mwuzure wahagarara.

Bimwe mu bikorwa binyuranye byahise bihagarikwa ni ukuvuga ibibuga by’indege bya George Bush Intercontinental na William P. Hobby biri muri aka gace,amashuli ndetse n’ibindi bikorwa binyuranye

Abantu bagera kuri 316,000 babuze amashanyarazi,naho Umuryango utabara imbabare (Croix Rouge) ukaba umaze gutanga ibiryo bingana n’amasahani 130,000 ku munsi ku bavanywe mu byabo.

Abaherereye mu gace ka Harris, abayobozi basabye ko bashyikirizwa ubwato kugira ngo babone uko bambutsa abantu.

Uyu mwuzure udasanzwe watewe n’imvura yatangiye kugwa mu masaha y’igitondo cyo kuri iki cy’umweru tariki 27 Kanama 2017 .

Anaclet NTIRUSHWA//Umubavu.com



Tanga igitekerezo kuri iyi nkuru



Igitekerezo