Amayobera ku biganiro  bivugwa  hagati ya Perezida Kagame na Museveni i Dubai

Ikinyamakuru cya Leta ya Uganda, New Vision ku wa Gatanu tariki 3 Ugushyingo 2017 cyatangaje ko Perezida Kagame na Museveni wa Uganda bagiranye ibiganiro bahuriye i Dubai mu Nama mpuzamahanga yiga ku bukungu bwa Afurika ‘Global Business Forum Africa’.

Iki kinyamakuru cyatangaje ko cyahamirijwe n’Umunyamabanga wa Leta muri Minisiteri y’Ububanyi n’Amahanga wa Uganda, Okello Oryem, ko Perezida Kagame na Museveni bagiranye ibiganiro bivuga ku mubano w’ibihugu byombi.

Ikinyamakuru ,Chimpreports ivuga ko ku wa Gatandatu tariki 4 Ugushyingo 2017,Umuyobozi Ushinzwe Itumanaho muri Perezidansi y’u Rwanda ,Yolande Makolo wari wajyanye na Perezida Kagame nawe yashimangiye ko ibi biganiro bitigeze bibaho.

Iki kinyamakuru gikomeza kivuga ko abayobozi ba Uganda cyaganiriye nabo bagihamirije ko Perezida Kagame na Museveni bahuye ndetse bakagirana ibiganiro gusa iki kinyamakuru cyashyize igitutu ku bashinzwe ububanyi n’amahanga kugira ngo bagaragaze amashusho cyangwa amafoto ahamya ko byabayeho ariko ko ntayo barabona.

Ku rundi ruhande kandi Chimpreports ibajije Okello Oryem ari nawe watangaje aya makuru y’ibiganiro bwa mbere,ejo ku Cyumweru tariki 5 Ugushyingo 2017 nabwo yagamije ko Perezida Kagame na Museveni bahuriye mu cyumba cy’inama.

Akomeza avuga ko bahuriye mu cyumba cy’inama bagasuhuzanya ubona ko buri wese yubashye undi ndetse ko ukurikije uko baganiraga byagaragaza ko nta kibazo kiri hagati y’ibihugu byombi.

Oryem abajijwe niba byari bizwi ko aba Bakuru b’Ibihugu bahura yasabije agira ati’’ Oya !Ntabwo byari bizwi ariko barahuye kandi byagaragaza ko ibintu byose bigenda neza’’

Kugeza ubu ibyo biganiro by’aba bakuru b’ibihugu ntibyigeze bivugwa ko byabayeho mu makuru ku Rwanda ; nta butumwa na bumwe kuri Twitter cyangwa amafoto agaragara kuri Flickr.

Ubusanzwe, ibikorwa by’akazi bya Perezida Kagame bitangazwa kuri @UrugwiroVillage, urukuta rwa Twitter rwa Perezidansi y’u Rwanda ; amafoto agashyirwa kuri Flickr nk’uko n’ubu byakozwe.

Ku wa gatatu tariki ya 01 Ugushyingo 2017 nibwo Perezida Kagame yitabiriye iyo nama ndetse anatangamo ikiganiro cyiswe Head of State Dialogue.

Umubavu.com



Tanga igitekerezo kuri iyi nkuru



Igitekerezo
Ndimo Kuya 7-11-2017

Ntabwo tuzihanganira uwariwewese utwifuriza gusubira mwicuraburindi president museveni gerageza uhindure ibitekerezo nahubundi uririwe nturaye !

Ndimo Kuya 7-11-2017

Ntabwo tuzihanganira uwariwewese utwifuriza gusubira mwicuraburindi president museveni gerageza uhindure ibitekerezo nahubundi uririwe nturaye !