Amahanga yose agiye kwerekeza I bukasa mu giterane cyateguwe n’itorero ADEPR Pentecostal Church International Uganda.

Chorale Salem yo mu Gatsata nyuma yo kuzenguruka amahanga ubu noneho hatahiwe ubugande,aho igiye kwerekeza mu giterane kidasanzwe cyateguwe n’itorero rya ADEPR PENTECOSTAL CHURCH INTERNATIONAL UGANDA CHAPEL BUKASA kizaba mu kwezi kwa 9 tariki ya 9 niya 10/2017.

Si kenshi amakorali yo mu Rwanda ajya atera iyi ntambwe yo kujya mu ivugabutumwa ryo hanze,nyamara ariko kuko uri kumwe n’Imana nayo ibana nawe,niyo mpamvu igiye gufasha Chorale Salem yo mu Gatsata Adepr akarere ka Gasabo nyuma yo kuzenguruka u Rwanda,nyuma kandi yo kuzenguruka amahanga ubu hakurikiyeho igihugu cy’ubugande kandi kikaba gihishiwe byinshi,bizanyura mu ndirimbo zinogeye amatwi n’umutima z’iyi chorale.

Umushumba uyoboye uyu mudugudu wa BUKASA Pastor Singirankabo Jean de Dieu yatangaje ko imyiteguro y’icyo giterane igeze kure kandi ko bizeye neza ko Chorale Salem izaboneka.

Naho umuyobozi wa Chorale Salem Madame Mukamasabo Serafine we ngo imyiteguro bayigeze kure kandi ngo nta mpamvu nimwe yababuza kwitabira kiriya giterane muri Uganda kuko basanzwe bakora ingendo z’ivugabutumwa haba mu Rwanda ndetse no hanze yarwo.

Uretse iyi Chorale kandi icyi giterane kizitabirwa n’abandi bakozi b’Imana banyuranye ndetse n’abahanzi bakomeye baba abo mu rwanda ndetse no muri Uganda,biravugwa ko hari n’abayobozi bakuru ba ADEPR mu Rwanda bashobora kuzitabira icyo giterane aho bazaba baherekeje iyi chorale Salem yo mu gatsata.
Icyi giterane kizaba gifite intego igira iti :”Nimuhaguruke twubake”.

ADEPR Rwanda nyuma yo kugaragaza intera ikomeye mu ivugabutumwa yagiye yagura amashami haba mu bihugu duturanye ndetse no hirya yabyo, ADEPR PENTECOSTAL CHURCH INTERNATIONAL UGANDA CHAPEL BUKASA akaba ari rimwe mu mashami ya ADEPR Rwanda rikorera ibugande .

Yanditswe na Anaclet NTIRUSHWA//Umubavu.com



Tanga igitekerezo kuri iyi nkuru



Igitekerezo