Akanama gashinzwe gutegura amatora muri Kenya IEBC kanze ihindurwa ry’amategeko ayagenga

Akanama gashinzwe gutegura amatora mu gihugu cya Kenya, IEBC, kavuze ko kadashyigikiye umuntu uwo ari we wese cyangwa ishyaka ryaba ryifuza guhindura amwe mu mategeko agenga amatora muri iki gihe.

Mu kiganiro yahaye BBC, umukozi wa IEBC Dr Roseline Akombe yavuze ko amategeko mashya y’amatora ishyaka Jubilee riri gutegura yaba aje kubasubiza inyuma na cyane mu bikogwabirimbanyije byo gutegura abakozi bazakoresha mu matora ateganyijwe muri uku kwezi kwa 10.
Avuga ko IEBC iri mu bikorwa bya nyuma byo kumenyereza abakandida amatora bityo ko batakwemera uwo ari we wese waba aje kubatangiza bushyashya mu gihe bageze kure.
Yagize ati "Guhindura amategeko amatora yegereje bituma udatunganya amatora neza. Twarangije gutegura ibikoresho by’ikoranabuhanga bizakoreshwa bivuze ko mu gihe haba habayeho guhindura amategeko byanasaba kubisubiramo nabyo ndetse ugasanga dufite abantu batabyigishijwe kimwe."
Uyu mugore yavuze aya magambo mu gihe ishyaka rya NASA rya Raila Odinga rimaze imisi rivuga ko ritazitaba amatora ngo mu gihe amategeko y’amatora yaba ahinduwe. Dogiteri Akombe yijeje avuga ko bagiranye ibiganiro byubaka na NASA ko yizeye ko Raila Odinga azitaba amatora.
Ku rundi ruhande abahanganye na NASA ku mwanya w’umukuru w’igihugu bo mu ishyaka rya Jubilee rya Uhuru Kenyatta bamenyesheje ko badashobora guhagarika uwo mugambi naho amahanga atabibafashamo.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo