Ahazaza h’u Rwanda hari mu marembera niba nta gikozwe:Dr Muhayimpundu Ribakare

Ibi byagarutsweho n’abafite aho bahuriye na gahunda y’u Rwanda yo kurwanya icyorezo cya SIDA ndetse na Hepatite(umwijima) aho bateraniye mu nama y’iminsi 3,aho umuyobozi w’ibikorwa byo kurwanya SIDA muri RBC Dr RIBAKARE avuga ko niba nta gikozwe ku rubyiruko rw’u Rwanda igihugu kiri mu marembera.

Kugeza ubu mu Rwanda intambwe yatewe yo kurwanya SIDA irashimishije ugereranyije no mu minsi ishize aho kugeza ubu u Rwanda ruri ku kigereranyo cyo guhashya Sida cya 90% kandi ngo ibi nta kindi cyatumye bigerwaho nk’uko nyuma yo kuzenguruka isi akabona akato no kutitabwaho abantu babana n’ubwandu bwa sida bakorerwa Dr Alex Coutinho umuyobozi mukuru wa Partners in Health mu Rwanda abivuga,ati :"twazengurutse isi yose twabonye ububabare ababana n’ubwandu bwa sida bafite,nyamara mu Rwanda hari amahirwe kuko ubuyobozi bwafashe ingufu nyinshi buzishyira mu guhashya icyo cyorezo,izindi mpamvu zatumye icyi cyorezo kandi ngo kigabanuka ni nko kwibumbira mu mashyirahamwe y’ababana n’ubwandu,ubuhamya bw’ababana ’ubwandu butangiwe mu ruhame,gusurana ndetse n’ibindi bikorwa bituma uwanduye yibona muri bagenzi be bikamurinda kwigunga no kwiheba".

Icyakora n’ubwo bimeze gutyo ngo abantu ntibakwiye kwirara kuko nubwo mu rwanda ingufu ari nyinshi mu guhangana na Sida ariko ngo urubyiruko rurarimbuka niba nta gikozwe.

Zimwe mu mpamvu kugeza ubu urubyiruko ruri mu bagarukwaho ni uko ngo iyo bamaze kwishora mu biyobyabwenge usanga nta kwikontorora bagira ndetse bajya no gukora imibonano mpuzabitsina ugasanga batibuka agakingirizo ndetse abandi ugasanga batinya kugakoresha.

Izindi mpamvu kandi zishobora koreka urubyiruko rw’u Rwanda nk’uko Dr RIBAKARE ukuriye ishami ryo kurwanya sida muri RBC abivuga ngo ni uruhare ruke rw’ababyeyi n’abarezi ndetse n’abandi bose bafite aho bahurira n’urubyiruko nk’amadini n’insengero aho badafata umwanya ngo baganirize urubyiruko ku cyakorwa ndetse n’uko bagakwiriye kwitwara bigatuma bamwe bigana imico yo hanze ari nayo virus ikomeye igiye kujyana u Rwanda muri gihenomu niba nta gikozwe.

Iyi nama igomba kumara iminsi itatu kuva tariki ya 9-11/08/2017 yateguwe n’ikigo cy’ubuzima mu Rwanda RBC ihuje abaganga,impuguke ndetse n’abandi bose bafite aho bahuriye no kurwanya ndetse no guhashya icyorezo cya sida ndetse na hepatite (umwijima).

Yanditswe na Anaclet NTIRUSHWA



Tanga igitekerezo kuri iyi nkuru



Igitekerezo