Agakoko kabi dufite gakomeye cyane ni Trump-Jay-Z

Nyuma yuko umuhanzi abenshi banemeza ko ari n’umuherwe, Jay-Z yise Perezida wa Leta Zunze Ubumwe za Amerika, Donald Trump agakoko kabi cyane, kuri ubu Perezida Trump nawe uzwiho kutaripfana akomeje guterana amagambo mu buryo bukomeye n’uyu muhanzi umunenga cyane ku buryo afata abirabura baba muri Amerika.

Mu butumwa bwe kuri Twitter, Trump yavuze ko imibare y’Abanyamerika (bakomoka muri Afurika) batagira akazi ari ubwa mbere ibaye mikeya cyane kubera politike ye kuva yinjiye muri White House.

PNG - 79.3 ko
Trump we ashimangira ko ubushomeri bwagabanutse ku ngoma ye


Abanyamerika bafite inkomoko muri Afrika batagira akazi bagera kuri 6,8%, iyi ikaba ari imibare iri hasi cyane ku kigero itigeze kubaho.

BBC ikomeza ivuga ko abanenga Perezida Trump bavuga ko ubukungu bw’igihugu bwatangiye kwiyongera ku butegetsi bwa Obama kandi ko imibare y’abantu batagira akazi b’Abirabura ikomeza kwiyongera kuruta iy’Abazungu ku butegetsi bwa Trump.
Mu kiganiro cya Van Jones Show cya CNN, Jay-Z yavuze ko kutita ku kibazo cy’abantu batagira akazi kwaba ari ukudatekereza uko ibintu byifashe mu gihugu.

PNG - 597.6 ko
Jay-Z ashinja Perezida Trump ko ku ngoma ye nta kibazo na kimwe arashakira umuti


Yagize ati "Si ikibazo cyo kubura amafaranga gusa gikomeye cyane ko atari nayo azana umunezero, uku ni ukunanirwa kumenya ukuri. Fata abantu nk’ikiremwa muntu kuko aricyo kintu gikuru kuruta ibindi".

Jay-Z yavuze kandi ko gutorwa kwa Perezida Trump kwavuye mu kunanirwa gushakira umuti ibibazo byinshi.

Yagize ati "washyize imyanda mu yindi kuko ukoze ibyo aba ushaka ko udukoko dukomeza kuvuka aho gushaka uburyo twagabanuka. Iyo wongereye imyanda mu yindi, utuma udukoko kwiyongera ntabwo uba ushatse umuti watwo. Ntabwo uba utaye umwanda hanze, ukomeza ushyira imyanda hejuru y’iyindi ugasanga uteje kuvuka k’udukoko twinshi. Mu gihe ukoze ibintu nk’ibyo, uba urimo kwegeranya udukoko tubi cyane. Ubu rero agakoko kabi dufite gakomeye cyane ni Trump".

Jay-Z yashyigikiye Barack Obama ubwo yari ku butegetsi ndetse anashimira cyane Hillary Clinton mu matora yo mu mwaka wa 2016 nubwo byarangite Trump ari we wegukanye intsinzi.

Jay-Z kandi yananenze amagambo Perezida Trump aheruka kuvuga aho yise ibihugu bya Afrika ko ari umwanda nubwo ibi yabihakanye yivuye inyuma ariko bamwe mu Basenateri bagashimangira ko yabivuze.

Ibi bikaba byaratumye anengwa cyane n’abategetsi b’Umuryango w’Ubumwe bwa Afrika ndetse n’ibihugu ubwabyo birimo Botswana na Ghana.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo
Nkurvnziza Em Kuya 9-02-2018

Jay Z Ako Kanu 2