Afurika y’Epfo : Yishe umugore anarya inyama ze

Aphiwe Mapekula wo mu gihuhgu cya Afurika y’Epfo yarashwe na polisi y’iki gihugu nyuma yuko yivuganye umugore agatangira no kurya inyama ze.

Uyu mugabo w’imyaka 23 y’amavuko ukomoka mu gace ka Mount Frere mu gihugu cya Afurika y’Epfo, ubwo yamaraga kwivugana uyu mugore muri iki cyumweu gishize, ngo yahise atangira kurya imyama ze polisi imubonye imubuza gukora iryo bara niko kuza ayegera atwaye n’icyuma bityo polisi ifata icyemezo cyo kumurasa.

Aphiwe Mapekula wivuganye uyu mugore witwa Thembisa Masumpa w’imyaka 35 y’amavuko bivugwa ko yamusanze mu rugo iwe nyuma agatangira kumubagisha icyma ari nacyo yamwicishije bityo agatangira kurya inyama ze.

Nyina w’uyu musore niwe wemeje aya makuru ngo dore ko nawe yabonye akora aya mahano akamubuza kurya inyama z’umuntu ari nabwo ahamagara polisi ngo imute muri yombi.

Umupolisi witwa Edith Mjoko yagize ati “Aphiwe Mapekula ntiyakurikije amabwiriza ya polisi ahubwo yaje ayisatira n’icyuma niko gufata icyemezo cyo kumurasa”.
Abapolisi bageraga ku icumi bose bari bagumye gusiganira kumurasa ariko havamo umwe aramurasa kuko yabasatiraga n’icyuma ngo gusa yahise ajyanawa mu bitaro ari naho yapfiriye.

Nyina w’uyu musore nyuma yo kubona aya mabara yakoze yagize ati “sinari niteze ibi bintu kuri uyu mwana wange, gusa simbyumva neza”.

Abaturanyi ba nyakwigendera bavuze ko yagendaga akora ibiraka bitandukanye mu ngo zabo ngo kuri iyi nshuro akaba yari ari iwe mu turimo two mu rugo.

Umuyobozi w’aka gace kabereyemo aya mahano we yavuze ko bishoboka ko uyu musore yaba yari yanyweye ibiyobyabwenge bityo akaba ari byo byamuteje gukora ibi.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo