Abayobozi batangaje  ubwigenge bwa Catalogne bari mu mazi abira

Abahoze ari abayobozi bo ku rwego rw’intara birukanywe mu myanya yabo muri Catalogne batawe muri yombi, uwahoze ayiyobora asabirwa gushyikirizwa urukiko mpuzamahanga mpanabyaha ICC.

Bane mu bahoze ari abayobozi b’iyi ntara bakuriwe na Carles Puigdemont, bahungiye mu Bubiligi, basabiwe n’abashinjacyaga kujyanwa imbere y’urukiko mpuzamahanga.

Abo bategetsi bashakishwaga ntabwo bitabye urukiko rwo mu mujyi wa Madrid ejo hashize nkuko bari basabwe kwitaba nkuko biri mu nkuru ya BBC.

Uwunganira Puigdemont mu mategeko, yavuze ko uwo yunganira yiteguye gukorana n’urukiko, ariko yongera ko ko ibihe atari byiza.

Puigdemont yavuze ko yifuza kumenya niba urubanza ruzobamo ubutabera bukwiye, mbere yo kwitaba.

Abandi bategetsi 8 birukanywe mu buyobozi bwa Catalogne bari bitabye urwo rukiko, abashinjacyaha basaba ko bakomeza kuba bafunzwe.

Bose baregwa gukahana ubutegetsi no koshya abaturage kujya mu gikorwa cy’imyigaragambyo mu ntara ya Catalogne muri iki gihugu cya Espagne.

Mu minsi yashize badepite bo muri iyi ntara batoye itegeko riyemerera kwigenga byuzuye, kuko mbere yari isanganywe ubucagase mu by’ubukungu(Autonomie). Ibyo byarakaje ubutegetsi bwa Espagne bwahise bufata icyemezo cyo gutegekera iyi ntara i Madrid.



Tanga igitekerezo kuri iyi nkuru



Igitekerezo