Abayobozi 6 bagiye gukurikiranwa kubera kudasobanura aho bakuye imitungo bafite

Umuvunyi mukuru Anastase Murekezi yatangaje ko urwego ayoboye rwakurikiranye imyitwarire y’abayobozi 9, ndetse amadosiye yabo agera ku 8 yararangiye ariko ngo abantu batandatu batashoboye gusobanura aho imitungo bafite yavuye batangiye gushyikirizwa ubutabera.

Ibi Umuvunyi Mukuru Anastase Murekezi yabitangaje kuri uyu wa 16 Ukwakira ubwo yagezaga ku Nteko Ishinga amategeko imitwe yombi raporo y’ibikorwa by’umwaka wa 2016/2017 n’ibikorwa biteganywa mu mwaka wa 2017/2018.

Mu byakozwe mu mwaka ushize harimo no gusuzuma aho imitungo ya bamwe mu bayobozi yakomotse.

Umuvunyi mukuru yavuze ko mubayobozi bagaragaje imitungo yabo, harimo batandatu batabashije gusobanura neza aho iyo mitungo yakomotse, ndetse bamwe ngo bakozweho iperereza dosiye zabo zishyikirizwa umushinjacyaha.

Yagize ati “Abantu 6 batashoboye gusobanura inkomoko y’umutungo wabo bakorewe iperereza, dosiye z’abantu 3 zishyikirizwa umushinjacyaha, abandi biracyari mu nzira.

Yanasobanuye ko urwego rw’umuvunyi rwakurikiranye amadosiye 9 arebana n’imyitwarire y’Abayobozi, ndetse ngo agera ku munani yararangiye.

Buri mwaka abayobozi muri guverinoma bagaragaza imitungo yabo n’inkomoko yayo aho bidasobanutse neza bagatanga ibisobanuro byimbitse.

JPEG - 167.6 ko
Umuvunyi Mukuru Anastase Murekezi asobanurira Abagize Inteko Nshingamategeko Sena n’Abadepite ibikorwa byakozwe muri 201617



Tanga igitekerezo kuri iyi nkuru



Igitekerezo