Abasirikare ba Congo bari guhungira mu nkambi y’Abarundi  i Lusenda

Impunzi z’Abarundi ziri mu nkambi ya Lusenda zivuga ko zitewe ubwoba n’Abasirikare ba Repubulika Iharanira Demokarasi ya Congo bari guhungira muri iyi nkambi kubera imirwano ibahanganisha n’umutwe w’Inyeshyamba wa Mai Mai.

Izi mpunzi z’Abarundi zivuga ko igiteye ipungenge ariko uko zifite kwibasirwa n’ibitero by’umutwe wa Mai Mai mu gihe wamenya ko hari abasirikare ba Congo bahungiye muri iyi nkambi dore ko bamaze iminsi itari mike bahanganye muri Tweritwari ya Fizi muri Kivu y’Amajyepfo.

Bamwe muri izi mpunzi babwiye RPA dukesha iyi nkuru ko aba basirikare bahunga nijoro aho baza bahishe imyenda ya gisirikare mu bikapu baka ubuhungiro bavuga ko bahunze batinya kwicwa na Mai Mai.

Izi mpunzi zikomeza zivuga ko zifite ubwoba ngo uretse kuba zakwibasirwa n’ibitero bya Mai Mai ngo n’aba basirikare bafite kwinjiza rwihishwa intwaro mu nkambi bakaba bazigirira nabi.

Abarundi barenga ibihumbi 50 bacumbitse mu nkambi ya Lusenda kababa basaba Imiryango Mpuzamahanga ndetse n’inzego bireba ko umutekano wabo wakongerwa kugira ngo ubuzima bwabo butajya mu kaga.

Gabriel Habineza/Umubavu.com



Tanga igitekerezo kuri iyi nkuru



Igitekerezo