Abarundi bahungiye muri Tanzania  bari  mu mazi abira

Igipolisi cya Tanzania cyataye muri yombi impunzi z’Abarundi zigera kuri 30 aho bafungiye muri kasho ya Vyamisivya ndetse ngo uyu mubare ukaba ushobora kwiyongera kuko igikorwa cyo gufata kigikomeje.

RPA dukesha iyi nkuru ivuga ko igipolisi cya Tanzania kiza mu nkambi ya Nduta icumbikiye abarundi kigafata abantu kikaburiza imodoka kikajya kubafunga nta mpamvu gitanze.

Sibyo gusa batanga urugergo ko hari abaherutse gufatwa bagerageza kuzimya inzu yari yafashwe n’inkongi muri iyi nkambi nyuma yo kuraswaho ibyuka biryana mu maso n’igipolisi cya Tanzania, ngo abakunze gutabwa muri yombi ni abagabo n’abasore.

Izi mpunzi z’Abarundi ziri mu Nkambi ya Nduta zikaba zisaba imiryango itandukanye kuzifasha zikimurirwa mu bindi bihugu kuko aho ziri uburenganzira bwazo buhonyorwa.

Mu myigaragambyo yabaye mu nkambi ya Nduta ku ya 14 Kanama 2017 yahanganishije impunzi n’igipolisi cya Tanzania aho abantu 2 bahasize ubuzima naho abandi 50 bagakomereka.Impunzi zikaba zaravuze ko igipolisi cyakoresheje amasasu.

Gabriel Habineza/Umubavu.com



Tanga igitekerezo kuri iyi nkuru



Igitekerezo