Abarundi bahungiye i Lusenda  bamerewe nabi n’inzara

Imiryango irenge 100 y’impunzi z’Abarundi ziri mu Nkambi ya Lusenda muri Repubulika Iharanira Demokara ya Congo iravuga ko imaze hafi Icyumweru cyose itabona ibyo kurya.

Ngo imiryango Mpuzamahanga yazanaga ibi biribwa ikaba yarabuze inzira kubera imirwano ikomeye ikomeje kubera muri Teritwari ya Fizi aho ingabo za Leta zihanganye n’Inyeshyamba za Mai Mai .

Nk’uko bamwe babitangarije RPA dukesha iyi nkuru ngo ubundi gutanga ibiribwa byakorwaga mu gihe cy’iminsi 10 ngo iyi mirwano rero yaje gukara nyuma y’iminsi ine gusa maze imodoka zagombaga kuzana ibindi biribwa zibura aho zica.

Ngo iyi miryango iri hagati y ‘1000 na 1500 ikaba yari isigaye mu bagombaga guhabwa ibiryo bityo irasaba ubufasha bwihuse kugira ngo baticwa n’inzara.

Gabriel Habineza/Umubavu.com



Tanga igitekerezo kuri iyi nkuru



Igitekerezo