Abarundi 7 barishwe  abandi 30 bafungwa bazira kugerageza kujya muri Congo-Kinshasa

Umuryango uharanira uburenganzira bwa muntu no kurwanya iyica rubozo mu Burundi,SOS-Torture washyize ahagaragara icyeregeranyo kivuga ko Abarundi 7 bishwe naho abandi 30 bafatirwa mu Ntara ya Rumonge barafungwa bazira kugeregeza kujya muri Repubulika Iharanira Demokarasi ya Congo.

Iki cyegeranyo ni cyo kuva tariki 25 Ugushyingo kugeza kuya 2 Ukuboza 2017 ni ukuvuga mu minsi 7 gusa.Muri iki cyegeranyo kandi SOS-Torture igaruka ku rupfu rwa Serges BARUTWANAYO wari umuyobozi mu ishyaka rya UPRONA riyobowe na Charles NDITIJE, ndetse akaba yarabaye n’Umuyobozi wa Komini Kirundo.

SOS-Torture igaruka kandi ku rupfu rw’umugore witwa Valerie Ndikuriyo wiciwe muri Komini Buyengero,intara ya Rumonge yishwe n’umugabo we waje gukatirwa igihano cyo gufungwa burundu.

Uyu muryango kandi mu cyegeranyi cyawo ukomoza ku rubanza rw’abasirikare b’Abarundi bashinjwa kugaba igitero mu kigo cya gisirikare kiri i Mukoni mu Ntara ya Muyinga aho bakatiwe gufungwa hagati y’imyaka 25 na 30 gusa SOS-Torture ivuga ko urukiko rwirengagije iyica rubozo abaregwa bakorewe ubwo hakorwaga iperereza.

Isekeza SOS-Torture ivuga ko abahohotewe ari Caporal-chef Fulgence Ndayikengurutse na Caporal-chef Eric Ndagijimana, hamwe na Adjudant François Nkurunziza wishwe akimara gufatwa.

JPEG - 93.2 ko
Serges Barutwanayo, yahoze ari Umuyobozi wa komini Kirundo mu gihugu cy’u Burundi yishwe atewe ibyuma byinshi mu mugongo no mu mutima



Tanga igitekerezo kuri iyi nkuru



Igitekerezo