Abanyeshuri bo mu cyaro banikiye abo mu mujyi mu bizamini bisoza amashuri abanza n’icyiciro rusange

Ni nyuma yuko kuri uyu wa kabiri tariki ya 09 Mutarama 2018, Minisiteri y’Uburezi mu Rwanda itangaje amanota y’Abanyeshuri bakoze ibizamini bisoza amashuri abanza n’ikiciro rusange, aho bigaragara ko umubare munini w’abatsinze mu mashuri abanza ari abakobwa ndetse kuri ubu abanyeshuri baturuka mu bice by’icyaro bakaba baratsinze kigereranyo cyo hejuru ugereranyije no mu myaka yashize.

Mu itangazwa ry’aya manota kandi, hanamuritswe umusaruro wavuye mu byo abana bamaze imyaka itandatu biga ku barangije amashuri abanza ndetse n’abamaze imyaka itatu biga ikiciro rusange (Tronc Commun), bakaba bari barakoze ibizamini bisoza ibi byiciro byombi mu mpera z’umwaka ushize wa 2017.

Atangaza ku mugaragaro aya manota, Umunyamabanga wa Leta muri Minisiteri y’Uburezi, Isaac Munyakazi yavuze ko mu bizamini bya Leta byagenze neza ugereranyije n’umwaka washize aho umubare w’abanyeshuri bakoze ibizamini wiyongereye cyane.

Minisitiri Munyakazi yavuze ko amashuri abanza abana batsinze ku kigero cya 86.3% by’abari bakoze ikizamini cya Leta, naho mu mashuri asoza icyiciro rusange abagera kuri 89.9% bakaba baratsinze.

Agaruka ku mubare w’abakobwa bakoze ibizamini mu mashuri abanza n’ikiciro rusange, Minisitiri Munyakazi yagize ati "Uyu mwaka umubare w’abakobwa bakoze ibizamini warazamutse cyane aho abakobwa 55.1% aribo bakoze ndetse no gutsinda niko byagenze dore ko abakobwa batsinze ku kigero cya 55% mu gihe abahungu bo batsinze kuri 44.9%"

Mu mashuri abanza abahungu nibo batsinze, naho mu mashuri y’icyiciro rusange abakobwa barindwi kuri umwe bagaragara ko batsindiye ku kigero kiri hejuru.
Minisitiri kandi yavuze ko abanyeshuri bose mu gihugu batsinze by’umwihariko abo mu bice by’icyaro.

Yagize ati "Ikindi twishimira ni uko n’abanyeshuri bo mu cyaro batsinze kandi bakagira amanota meza nk’aho mu mashuri abanza uwitwa Mugisha Nsengiyumva Frank ukomoka mu karere ka Muhanga ariwe wabaye uwa mbere mu gihugu hose naho mu cyiciro rusange uwaje imbere akaba ari uwitwa Kagenzi Manzi wo muri Gasabo. "

Biteganijwe ko abanyeshuri batsinze bashyirwa mu byiciro ndetse bakoherezwa ku bigo bazajya gukomerezaho amasomo yo mu byiciro bikurikiraho, itariki yo gutangira akaba ari iya 29 Mutarama 2018.

Daniel MUKESHIMANA/Umubavu/com



Tanga igitekerezo kuri iyi nkuru



Igitekerezo
king Kuya 12-01-2018

vraiment biba bishimishije iyo mu cyaro batsinze neza, natwe muri OL dufitemo umwana wa kane, witwa Aimée chrystelle yigaga muri ISF Nyamasheke ahazwi nko mu mataba, ni hejuru y,ikiyaga cya kivu,
gusa bararera cyane, wagirango abarimu baho bahembwa menshi.
gusa ntiwababona banywa inzoga banza ma Soeur azibahera ahihishe, muzabasure cyane murebe izo ntwari

king Kuya 12-01-2018

vraiment biba bishimishije iyo mu cyaro batsinze neza, natwe muri OL dufitemo umwana wa kane, witwa Aimée chrystelle yigaga muri ISF Nyamasheke ahazwi nko mu mataba, ni hejuru y,ikiyaga cya kivu,
gusa bararera cyane, wagirango abarimu baho bahembwa menshi.
gusa ntiwababona banywa inzoga banza ma Soeur azibahera ahihishe, muzabasure cyane murebe izo ntwari