Abanye-Congo  bari guhungira muri Zambiya ku bwinshi,buri munsi hagenda 500

Impunzi zihungira muri Zambiya ziva muri Repubulika Iharanira Demokarasi ya Congo zabwiye LONI ko ziri kwibasirwa na guverinoma ya Congo.

Abanye Congo bagera kuri 500 bari kugera muri Zambiya buri munsi, bahunga imvururu mu bice bitandukanye by’igihugu.

Isubika ry’amatora y’umukuru w’igihugu ryateye ubushyamirane bukomeye muri Repubulika Iharanira Demokarasi ya Congo.

Impunzi zabwiye Umuryango w’Abibumbye ko abasirikare ba Congo bamaze igihe bica bakanafata abasivile ku ngufu. Batwika amazu yabo bakaniba imyaka yabo iri mu bigega.

LONI ivuga ko imwe mu mpamvu zatumye abasirikare ba guverinoma bibasira abasivile ari uko badashobora gutandukanya inyeshyamba n’utari yo nk’uko bitangazwa na BBC.

Muri Congo hari imitwe myinhi yitwaje intwaro, imyinshi ikaba yiganje mu karere ka Kasai.

Umutwe w’abarwanyi ba Kamuina Nsapu ugaba ibitero ku kintu cyose gifitanye isano na guverinoma, harimo n’amashuri.

Ubwo busahyamirane bwonyine bwateye abagera kuri miliyoni kuva mu ngo zabo.
Ibi biteye inkeke kuri perezida Joseph Kabila, ukiri ku butegetsi n’ubwo igihe ntarengwa giteganywa n’itegekonshinga cyarangiye mu mwaka ushize wa 2016.



Tanga igitekerezo kuri iyi nkuru



Igitekerezo
test Kuya 11-10-2017

baashe weew