Abantu 59 bishwe i Las Vegas hamenyekanye umugabo wabarashe

Muri leta ya California ahitwa I Las Vegas hakunze kubera ibirori bitandukanye mpuzamahanga, mu ijoro ryo kuri iki cyumweru abantu bagera kuri 59 bishwe na Stephen Paddock, uyu mugabo w’imyaka 64 akaba yari yitwaje imbunda.

Abandi bagera kuri 527 bakomerekeye mu birori bya konseri yaberaga muri pariking iri hafi na hotel Mandalay Bay Resort and Casino.

Paddock yarashe abo bantu ubwo yari yihishe muri itaje ya 32 muri hoteli Mandalay Bay byatumye habaho akaduruvayo hagati y’abantu bari bitabiriye ibyo birori bahunga amasasu batari bazi aho aturuka.

Uko umuyobozi wa polisi yaho Clark county Sheriff Joe Lombardo abivuga, nibwo bwicanyi bwambere bubereye aho mu mateka yavuba.

Polisi yihutiye kujya gufata Paddock aho yari yiheshe nk’abandi bacumbitse ariko isanga we ubwe yamaze kwirasa ariyica.

Hasatswe icyumba cye cyo mu rugo rye Mesquite Nevada, polisi ihasanga imbunda zigera kuri 40 inabona amwe mu mabombe n’amasasu menshi.
Polisi n’ubundi yari isanzwe ishakisha ubwihisho bwa Paddock kubera ibyaha byo gutoroka uburoko akaba yanakekwagaho kuba umuntu ushaka guteza ibikomeye ku mbaga y’abantu.

“N’ubundi yari umuntu w’igisare twakekagaho kuba yakora bintu nk’ibi. Ntabwo yabikomeje yabitekerejeho. Bino n’ibihe biteye ihahamuka kuri twe twese,” Sheriff Lombardo yakomeje avuga ko Paddock yari umuntu wibanaga wenyine wihebye.
Mbere y’uko Paddock arasa abantu muri iyo konseri yabanje gusaba kandi anishyura icumbi muri hoteli Mandalay Bay kuva kw’itariki 28 Kanama, nyuma azagushobora kwinjiza izo ntwaro bw’ihishwa bitazwi n’abanyirihoteli.

Polisi kugera ubu ikomeje gushakisha buri muntu na buri kintu cyose cyatanga ibimenyetso ku cyatumye Paddock arasa abari bitabiriye konseri.
Abantu baturiye iyo leta bashoboye gutanga amaraso yafasha abakomeretse ariko ubu bikaba byahagaritswe.

Hanatanzwe amadolari agera kuri $2200000 atanzwe n’abaterankunga 30000 hamwe n’ayandi agera ku $400000 yatanzwe na nyira Diamond Resorts International, Stephen Cloobeck.

Na Paddock ubwe yari umuherwe wari uzwi cyane muri Mandalay Bay Resort and Casino hotel kandi yajyaga atanga akayabo muri Casino hacinirwa urusimbi kandi akaba yanahabwaga ibyumba by’ubuntu.
Nyuma y’amasaha 12 imirambo yari imaze kumenyekanishwa beneyo, abakomeretse nabo bamaze kugezwa ku bitaro aho bamenyekanishwaga imyirondoro yabo.



Tanga igitekerezo kuri iyi nkuru



Igitekerezo