Abaminisitiri bahawe uturere bagomba gukurikirana no kugira inama

Abaminisitiri 20 n’Abanyamabanga ba leta 11 baherutse gushyirwaho na Perezida Kagame nyuma yo kugisha inama Minisitiri w’intebe, bahawe uturere bagomba gukurikirana bakanajya inama zafasha gukemura ibibazo ubuyobozi bw’Akarere bugenda buhura nabyo mu iterambere.

Itangazo ryashyizweho umukono na Minisitiri w’Intebe, Dr. Edouard Ngirente, risobanura ko buri Minisitiri cyangwa umunyamabanga wa Leta yahawe akarere azajya akurikirana uko gahunda ya Guverinoma ishyirwa mu bikorwa muri rusange, uko imihigo y’akarere hamwe n’imihigo ihuriweho igenda igerwaho ndetse akagira inama akarere zo kuyihutisha.

Hari kandi gutanga inama zafasha gukemura ibibazo Ubuyobozi bw’Akarere bugenda buhura nabyo cyane cyane mu buhinzi n’ubworozi, ibikorwa remezo, ishoramari, uburezi, ubuzima n’umutekano mu muryango n’ibindi.

Minisitiri w’Intebe, Ngirente, avuga ko ba Minisitiri n’abanyamabanga ba leta bagomba gusura akarere bashinzwe rimwe mu kwezi bagatanga raporo y’uko gahagaze.

Iyi gahunda yo guha abaminisitiri uturere bakurikirana mu mirimo yabo ya buri munsi yari isanzweho usibye ko hari abahinduriwe uturere bakurikiranaga.

Uko ba Minisitiri n’abanyamabanga ba leta bahawe uturere

- Minisitiri w’urubyiruko, Rosemary Mbabazi –Kayonza

- Minisitiri w’abakozi ba leta n’umurimo, Fanfan Kayirangwa Rwanyindo - Nyarugenge

- Minisitiri w’ubutabera, Johnston Busingye - Gicumbi

- Minisitiri w’ubuzima, Dr. Diane Gashumba - Burera

- Minisitiri w’Ingabo, Gen. James Kabarebe - Rubavu

- Minisitiri w’ubuhinzi n’ubworozi, Dr.Geraldine Mukeshimana - Kirehe

- Umunyamabanga wa Leta muri Minisiteri y’Ibikorwaremezo ushinzwe Gutwara Abantu n’Ibintu, Jean de Dieu Uwihanganye -Ngoma

- Minisitiri w’ibikorwa remezo, James Musoni - Nyagatare

- Minisitiri w’ibidukikije, Dr.Vincent Biruta -Muhanga

- Minisitiri w’ubucuruzi n’inganda, Vincent Munyeshyaka -Huye

- Minisitiri muri Primature ushinzwe Imirimo y’Inama y’Abaminisitiri, Marie Solange Kayisire -Kicukiro

- Umunyamabanga wa Leta muri Minisiteri y’Ubutegetsi bw’Igihugu ushinzwe Imibereho Myiza y’Abaturage, Dr.Alvera Mukabaramba - Nyamagabe

- Umunyamabanga wa Leta muri Minisiteri y’Ubuhinzi n’Ubworozi ushinzwe Ubuhinzi, Fulgence Nsengiyumva - Gisagara

- Minisitiri w’ubutaka n’amashyamba, Francine Tumushime- Gakenke

- Minisitiri w’uburezi, Dr.Papias Musafiri Malimba- Nyabihu

- Minisitiri w’imari n’igenamigambi, Amb. Claver Gatete- Kamonyi

- Minisitiri ushinzwe impunzi n’Imicungire y’Ibiza, Debonheur Jeanne d’Arc- Karongi

- Minisitiri w’umuco na siporo, Julienne Uwacu - Ngororero

- Minisitiri w’ubutegetsi bw’igihugu, Francis Kaboneka- Musanze

- Minisitiri w’ububanyi n’amahanga, Ubutwererane, n’Umuryango w’Ibihugu bya Afurika y‘Iburasirazuba, Louise Mushikiwabo n’umunyamabanga wa Leta muri iyi Minisiteri, Olivier Nduhungirehe - Gasabo

- Minisitiri w’uburinganire n’iterambere ry’umuryango, Esperance Nyirasafari - Ruhango

- Umunyamabanga wa Leta muri Minisiteri y’Ubuzima ushinzwe Ubuzima Rusange n’Ubuvuzi bw’Ibanze, Patrick Ndimubanzi -Nyanza

- Umunyamabanga wa Leta muri Minisiteri y’Uburezi ushinzwe Amashuri y’Imyuga n’Ubumenyingiro, Olivier Rwamukwaya -Gatsibo

- Umunyamabanga wa Leta muri Minisiteri y’Imari n’Igenamigambi ushinzwe Igenamigambi, Dr.Uzziel Ndagijimana -Rusizi

- Minisitiri w’Ikoranabuhanga n’Itumanaho, Jean Philbert Nsengimana -Rwamagana

- Umunyamabanga wa Leta muri Minisiteri y’Ibikorwaremezo ushinzwe Ingufu n’Amazi, Germaine Kamayirese -Bugesera

- Umunyamabanga wa Leta muri Minisiteri y’Ubutabera ushinzwe ibyerekeye Itegeko Nshinga n’andi Mategeko, Evode Uwizeyimana -Rulindo

- Minisitiri muri Perezidansi ya Repubulika, Judith Uwizeye -Nyamasheke

- Umunyamabanga wa Leta muri Minisiteri y’Ubutegetsi bw’Igihugu ushinzwe Iterambere ry’Abaturage, Cyriaque Harelimana -Rutsiro

- Umunyamabanga wa Leta muri Minisiteri y’Uburezi ushinzwe Amashuri Abanza n’Ayisumbuye, Isaac Munyakazi -Nyaruguru



Tanga igitekerezo kuri iyi nkuru



Igitekerezo