Abakorera mu gakiriro ka Gisozi barataka igihombo kubera umuhanda mubi

Abakorera mu gakiriro ka Gisozi, baravuga ko babangamiwe cyane n’umuhanda mubi ubateza igihombo kuko nta modoka igera aho bakorera.

Umuhanda muto cyane, utanyuramo imodoka iyariyo yose, n’ibiraro by’ibiti bishaje nibyo biri muri aka gace ahari agakiriro mu murenge wa Gisozi .

Abakorera muri aka Gakiriro aho uyu muhanda uherereye bavuga ko baterwa igihombo gikomeye n’uyu muhanda.

Ikindi kibazo baterwa n’ubuto bw’uyu muhanda ngo ni uko hari ubwo amazu ashya akagera aho akongoka bitewe n’uko kizimamoto iza ikabura aho inyura.

Uyu muhanda kandi ukikijwe na ruhurura iteye aba bacuruzi impungenge kuko ngo mu gihe cy’imvura yuzura ikabangiriza ibicuruzwa.

Ubuyobozi bw’umurenge wa Gisozi, buganira na Royal Tv bwavuze ko bugiye kugirana ibiganiro n’abikorera bakorera muri aka gakiriro hagamijwe kureba icyakorwa.

Gusa James SERUKIZA uhagarariye umunyAmabanga nshingwabikorwa w’uyu murenge ntiyagaragaje igihe ntarengwa uyu muhanda uzaba waguriwe.

Agakiriro ka Gisozi Karimo abakoreraga mu mujyi bakora cyane cyane ibijyanye n’ubucuruzi bw’imbaho, ububaji, Gusudira n’ ibindi.

Igihombo bavuga ko baterwa n’ibikorwa remezo bicyeya biri aha hantu ngo bikemutse byateza imbere abahakorera.



Tanga igitekerezo kuri iyi nkuru



Igitekerezo