Abacungagereza 36 birukanwe burundu  bazira guta akazi

Abacungagereza 36 barimo umwe wari ufite ipeti rya ‘Caporal’ birukanywe burundu mu kazi kabo nyuma yo guta akazi, amakosa yabaye mu 2016 na 2017.

Inama y’Abaminisitiri yateranye ku wa 08 Ugushyingo 2017 iyobowe na Perezida wa Repubulika, Paul Kagame, niyo yemeje iteka rya Minisitiri ryirukana abacungagereza mirongo itatu na batandatu (36).

Amategeko ateganya ko umucungagereza afatwa nk’uwataye akazi mu gihe amaze iminsi irindwi atakariho kandi atabimenyesheje abamukuriye. Aha nibwo ahita afatirwa ibihano akirukanwa burundu.

Muri Kanama umwaka ushize nabwo Urwego rw’Igihugu rw’Imfungwa n’Abagororwa, RCS, rwirukanye abacungagereza 52 barimo aba ofisiye babiri bafite ipeti rya AIP (Assistant Inspector of Prison), bazira imyitwarire mibi mu kazi.

Aba bacungagereza barimo kandi ba sergeant bane, ba caporal babiri ndetse n’abafite ipeti rya WD [Wader] 46.

Kugeza ubu, Urwego rw’Igihugu rw’Imfungwa n’Abagororwa rufite abagera ku 1800 bashinzwe gucunga umutekano ku magereza atandukanye yo mu gihugu.



Tanga igitekerezo kuri iyi nkuru



Igitekerezo