Udutsiko  dushobora  gusenya  ADEPR mu minsi mike

Abakurikiranira hafi umukino wagiye ubera mu Itorero rya ADEPR, usanga bavugira kenshi mu matamatama ko niba nta gikozwe mu maguru mashya, mu Itorero rya ADEPR hashobora kuzabaho ugutungurana gukomeye gutewe n’ukutumvikana kw’udutsiko twinshi tutavuga rumwe hagati yatwo ndetse tutanumva ubuyobozi bushya buyobowe na Rev.Karuranga Ephraim, ndetse tukaba tumaze kugwiza imbaraga.

Kuba Komite nshya ya ADEPR yarananiwe guhuriza hamwe utu dutsiko tutanyuzwe n’imiyoborere y’Itorero , bigaragaza ko hari igitutu igiye kotswa giturutse muri two ndetse hakiyongeraho ikindi kizaba gitewe n’aba bayobozi barekuwe n’ubutabera(Bayobowe na Tom Rwagasana kuri ubu).

Abakristo ba ADEPR benshi bavuga ko basa nk’abaheze mu rungabangabo kuko mu mwanya umwe babwirwa ko hakozwe amakosa mu gufunga abari abayobozi babo (bakorewe akarengane), mu wundi mwanya bakabwirwa ko aba bayobozi batari bakwiriye gufungurwa kuko ari abajura kabuhariwe.

Aba bakristo kandi bibaza impamvu Komite nshya itigeze igira icyo ikora ku bibazo byabakomerekeje birimo Ikigega cya ADEPR Cicco cyatikiriyemo amamiliyoni. Ubu buyobozi bushya busigaje amezi 4 gusa ngo manda yabwo irangire, bwakomeje gutegerezwaho umuti w’iki kigega ariko amaso y’abagishoyemo imali akomeza guhera mu kirere, iyi iba impamvu yo gutakarizwa icyizere.

Tugarutse inyuma muri twa dutsiko tuvuga ko duharanira ko ADEPR yayoborwa mu buryo ubu cyangwa ubundi, usanga abatuyoboye bavuga ko nta munsi n’umwe bazanyurwa mu bihe bataza bibona hejuru mu bushorishori bw’ubuyobozi kugira ngo nabo batange umusanzu wabo mu miyoborere y’Itorero cyane ko ngo baheezwa.

Tumwe mu dutsiko ubu duhanganye

Hari agatsiko kayobowe n’umuherwe Janvier Birahagwa afatanije na Rev. Karuranga Edouard, hari agatsiko kitwa Nzahuratorero y’Umwimerere kayobowe na Dr.Basabose Jean de Dieu, hari agatsiko nako kiyita Nzahuratorero kiyomoye kuy’umwimerere kayobowe na Dr.Moses, hari akandi gatsiko ka gatatu nako kiyita Nzahuratorero ariko katagaragaza umuyobozi wako, hari agatsiko kayobowe na Bwana Rurangwa Deny afatanije na Steven Sugira, hari agatsiko kayobowe na Past.Modeste Uwabimfura, hari agatsiko kayobowe n’umugore witwa Serene hari n’agatsiko bivugwa ko kayobowe na Bwana Gatete Galican kagamije kuvuganira abahoze ari abayobozi ba ADEPR bayobowe na Bish.Tom Rwagsana.

Muri iyi minsi rero, utu dutsiko twose turimo gucungana ijisho ku rindi, intambwe ku yindi, hibazwa ukwiriye kuzayobora Itorero rya ADEPR muri manda itaha izashyirwaho n’amatora azaba muri Werurwe 2018. Abasesenguzi bavuga ko Komite Nyobozi nshya yashyizweho ngo isimbure abayobozi bari batawe muri yombi idafite ubushobozi bwo kuyobora Itorero kuko ngo hari ibibazo by’ingutu igenda ica ku ruhande birimo ikigega ADEPR CICCO, ibibazo bya Pensiyo, ibibazo by’abapasiteri bagiye bagura imyanya y’ubuyobozi kandi badashoboye, ibibazo byo kwishyura umweenda Itorero ribereyemo amabanki n’ibindi.

Ibi tubabwiye haruguru ni bimwe mu bintu bishimangirwa n’abayobozi b’utu dutsiko, ku buryo iyi ishobora kuzaba iturufu ikomeye kuri bo bakwifashisha mu rwego rwo kugumura abakristo n’abashumba kugira ngo muri manda itaha aba bayobozi batazagirirwa ikizere ngo kuko icyo bari babategerejeho batigeze bakibona.

Gusa kandi na none ku rundi ruhande, hari abavuga ko hari ikindi gice kinini cy’abakristo bavuga ko aho Itorero ryari rihagaze ubu ntacyo habatwaye ngo kuko icyo bashaka ari umutuzo kandi bakaba bumva bawufite nyuma yuko habayeho itabwa muri yombi ry’abahoze bayobora ADEPR.

Hari kandi ikindi gice cy’abakristo kitari gito kivuga ko kubera impamvu z’uko babona ibivugwa n’abarekuwe n’ubutabera (basa n’abakinyotewe ubuyobozi bakomeje kuvuga ko bagambaniwe na komite nshya) ndetse n’ibivugwa n’abayobora utu dutsiko tutemera komite nshya ndetse tukaba tutanemera abayobozi baherutse gufungurwa, bahita babisanisha no kuba bicaye mu kimodoka batazi aho kibaganisha ndetse ngo gishobora kuba cyabagusha mu manga igihe icyo ari cyo cyose.

Hari abasesenguzi bavuga ko abayobozi baherutse gufungurwa bashobora gukora poropaganda ikomeye bagashinga agatsiko kagamije kuzashaka abayobozi bashobora kuzasimbura Komite nshya ya ADEPR iyobowe na Rev.Karuranga ku buryo nyuma yo kuyisimbura ngo hazabaho imikoranire ya hafi, iyi ikazaba inzira nziza yo kubagarurira icyizere batakarijwe mu minsi mike ishize ubwo bamburwa inshingano. Abasesengura bemeza ko nyuma yo gusubizwa inshingano n’iyo Komite izaba yagiyeho, hazabaho kubagarura mu mirimo yoroheje ariho n’ubundi hagamijwe kubagira abamisiyoneri bashobora no kuzoherezwa kuyobora ya matorero bari batangije mu bihugu by’i Burayi na Uganda.

Aha, ngo nibwo abayoboke benshi ba ADEPR bazaheraho batangire kugumuka bave mu Itorero, abandi bareke gusenga kuko ngo batazaba biyumvisha uburyo ba bayobozi bagarutse muyobora amatorero yabo. Abareba kure kandi bemeza ko twa dutsiko natwo tutazaba twicaye cyane ko nta na kamwe kazaba kavuga rumwe n’akandi, kuko buri kamwe kazaba gaharanira inyungu zako, ibi bikomeze kuzamura intugunda mu Itorero.

Ibi ngo bizahita biba nk’ikirunga kirukiye hagati mu Itorero, ku buryo abakristo bamwe bazitabaza inzego za Leta ngo zibakize, ku ku buryo aha hari bamwe ngo batazatinya gusaba Leta gusesa Itorero kuko ubwumvikane buzaba bwabuze burundu. Itorero rya ADEPR muri icyo gihe ngo rizaba ryaramaze guta umwimerere waryo mbese nta gitsure kikiribamo, ahubwo risigaye ryifata nk’andi yose.

Muri iki gihe rero, ngo benshi bazaba bibona nk’abicaye mu kimodoka kinini ariko batazi aho kiberekeza ku buryo gishobora kuzabata mu maanga. Muri ki gihe, abakristo benshi bigaragara ko badohotse mu gusengera Itorero nyuma y’itabwa muri yombi ry’abahoze bayobora ADEPR ariko ni bamara kubona ibibaye, bazongera basubire mu bihe byo gusenga cyane ariko amazi azaba asa nk’ayamaze kurenga inkombe kuko ubuyobozi buzaba bwasubiye mu maboko y’abafunguwe, nabo kuri ubu barimo gukora ibishoboka ngo basubirane icyubahiro cyabo kuko bizeye neza ko bazaba abere kandi ko ngo igihe bafunzwe kiri muri munsi y’amezi 6, bityo bakaba batabuzwa gukomeza kuba mu ntama.

Aha bizaba bigoye kwemeza ko abazaba bayoboye Itorero ari abanyabyaha nk’uko byagiye bivugwa ku buyobozi bwa Sibomana na Tom Rwagasana, dore ko kuri iyi nshuro noneho abazaba bayoboye ADEPR bazaba ari inshuti magara zabo ku buryo kubamagana cyangwa kubiyumvamo bizaba ari ikibazo ku bakristo benshi.

Ibi birashimangirwa n’umubare munini w’abashumba Tom Rwagasana na Sibomana Jean basize bimitse kandi bakiyumvamo ideni babafitiye, ku buryo ni haramuka hatowe inshuti zabo za hafi, amata azaba abyaye amavuta ! Birashoboka ko hari abasoma uyu mwandiko wanjye bagatekereza ko naba narengereye ariko siko biri kuko urebye uburyo Tom Rwagasana na Sibomana Jean basize bubatse inzego z’ubuyobozi kuva kuri za Rejiyo by’umwihariko mu mujyi wa Kigali ukagera ku rwego rw’uturere, bigaragara ko ari sisiteme ikomeye umuntu wese atapfa guhita asenya, ibi bikaba ari nabyo byabereye urukuta komite nshya ku buryo byayigoye kurusenya ngo yubake ibyayo. Kuba rero ibi bitarayishobokeye aba bagifunzwe ahubwo ikihutira kuvuga ko yambuye aba ububasha, byagaragaje intege nke zivanze no kwihuta ku cyari gikwiriye gukorwa mbere.

Iyi nkuru dukesha Ikinyamakuru Isange uwayanditse asoza avuga ko bisaba izindi mbaraga zikomeye iyi Komite nshya kugira ngo izabashe guhangana n’utu dutsiko twose umuntu yavuga ko twamaze kwigarurira igice kitari gito cy’abakristo. Birasaba kandi ubwenge bwinshi kuko buri gatsiko gafite umugambi wako ndetse n’amayeri ashoboka kugira ngo kabone ikuzo ryako.

Umubavu.com



Tanga igitekerezo kuri iyi nkuru



Igitekerezo
kaa Kuya 5-11-2017

Hahaha ! mwese murivugira sha. Ntimuzi Imana yacu uko ikora icyubahiro cyayo ntizagiha undi yarirahiye pe. Hari uwari uziko bariya bavugizi bafatwa bagafungwa ?dufite Imana yumva nitwinjira mu masengesho abakunda Imana by’ukuri batari muri utwo dutsiko muzirebera ko dufite Imana abo Uwiteka azamanukira bazaba noneho akabarore Imana iziyerekana ako kaduruvayo uvuga wa mugabo we Leta ninanirwa kugahagarika Uwiteka Imana yacu izabyikorera tu. Baravuga ngo utakurusha gusenga ntakagutere ubwoba. ibyo wavuze nibiba tuzaba twinjiye mu bubyutse budasanzwe kandi ibyo nibiba Kristo akikaragaza uzibuke ko ibi nabikubwiye. abarwanira icyubahiro n’amafaranga bo nimubihorere bagiye kuba akabarore nka Gehazi umugaragu wa Elisha. nawaambiya kweli mutaona ngufu za Mungu wetu na matunda ya maombi ya Wapentekoti ADEPR. Bamwe biringira amafarashi, ifeza n’izahabu ariko twebweho tuziringira Imana yacu Yehova. mukomere Bene Data kandi nimumara gukomera mukomeze n’abandi.

gezi56 Kuya 29-10-2017

Abarokore ni ibitangaza kbsa ! ukuri kurivugira. ubu se abayobozi barafunzwe abndi bari mu matiku ngo barabanga. ubu se ni nde utabna ko imiyoborere iwanyu yabananiye. Wagira ngo ni uruganda si idini. Mwiminjiremo agafu

Joseph Kuya 28-10-2017

Kugezubu ikishe itorero RYA adepr ni imishahara yabapasteur bahembwa ugasanga umusteur arahembwa 400000 NGO ari gukorera lmana itorero ryapfuye igihe hashyirwagahoiriya imishahara ihambaye kera bagihembwa make nta kibazo cyalimo

John Kuya 28-10-2017

Leta nigabanye imishahara yaba pasteur kuko nicyo cyishe idini RYA adepr nta kuntu leveland azahembwa 400000 atarize kandi hanze hari umuntu urangije kaminuza wabuze akazi kandi yarabohoje igihugu

John Kuya 28-10-2017

Leta nigabanye imishahara yaba pasteur kuko nicyo cyishe idini RYA adepr nta kuntu leveland azahembwa 400000 atarize kandi hanze hari umuntu urangije kaminuza wabuze akazi kandi yarabohoje igihugu

John Kuya 28-10-2017

Leta nigabanye imishahara yaba pasteur kuko nicyo cyishe idini RYA adepr nta kuntu leveland azahembwa 400000 atarize kandi hanze hari umuntu urangije kaminuza wabuze akazi kandi yarabohoje igihugu

George Kuya 28-10-2017

Ibyo bose muvuga nta kintu muzi, ntituzemera ko utwo dutsiko uvuga ahubwo nawe ubanza hari ako urimo muri utwo twose, ntituzemera ko abo bose wavuze bateza impagarara muri ADPR. Abashaka gukorera Imana bazaza bakore, abatabishaka bakore ibindi. Uravuga ukanavuga Tom, koko ? Uriya na Miliyari zirenga ebyiri adytwaye, ba uretse, tuzamwifatira tumubaze aho ayo mafranga ari. Ntuyoberwa ukwibye oyoberwa aho aguhishe.
Ibyo byose wavuze, nta na kimwe kizabaho. Uko bizagenda byararangiye kera, umeze nk’ikirondwe cyumiye ku ruhu inka yarariwe kera.

Jacky Kuya 27-10-2017

Imana yacu niza ntago izaceceka.musengecyane kuko iminsi nimibi.

zab Kuya 27-10-2017

Imana yomwijuru niyo ibizi uko izabigenza kandi niba musoma bible Imana yanga udutsiko, mubyukuri pe niba arabakozi b’Imana sinzi ko Christo yabatumwe intama ariko bishize imbere amafaranga ariko Christon azarengera itorero rye , Gusa bamwe bitondere umujinya w’imana ugiye kuzaza, bishobokako nImana izahorera abana gukiranirwa kwa base, bishobokako aba bakora amakosa ntacyo bazaba gusa umujinya w’Imana uzagera no kubuzukuruza babo kuko batakoze ibyo gukiranuka

IMANA IBABARIRA ICYAHA ARIKO NTIKURAHO INGARUKA YICYAHA

jean An Kuya 27-10-2017

Kuva ryashingwa abariyoboye bose bashyirwagaho nabande ?

Ni Imana ? niyo twabashyirsho tukabikura mumaboko yimana batuyobora. Guse mumenyeko na mose yapfuye amaze kwitegereza igihugu. nabo bazaharanira kuyobora nibareba nabi bapfe batarebye igihugu tujyamo.

Gusa komisiyo nzahura nive mugushaka ubuyobozi ishake ibindi bisambo biri mu itorero naho numurimo mwiza kandi Imana izabahembera ibyo.

Gakuru Kuya 27-10-2017

Agatsiko urumva ari uri ururimi utazi cgw nawe uri muafunguwe ?niba utazi agatsiko hera kuli ako urimo merci

MUJA Kuya 27-10-2017

Ese niba ari aba kristu kuki barwanira kuyobora ? no kubona imyanya y’icyubahiro ? Umukristo wa nyawe n’uwicisha bugufi
akemera ko abandi bamuruta

Clemebc Kuya 27-10-2017

Andika Igitekerezo Hanno ibi nukubeshya Itorero ni RYA kristo siryabantu kdi ryubatswe kuriwe naho amarembo yikuzimu yazikuka ntiyarishobora ibyo murwana nabyo rero ntimubizi ntawaruziko tom nawe yafungwa kiriya nikikwemeza kw’Imana yo nyine ariyo ishoboye

Sereine Kuya 27-10-2017

Ijambo udutsiko ko murikunze risobanura iki ?

Florence Kuya 26-10-2017

Itorero n’irya kristo kdi aribereye maso hejuru y’imbaranga za satani hari imbaranga z’imana ntabwo dufite ubwoba by’imiyanga kuko dufite uwo twizeye

Yyyyyy Kuya 26-10-2017

Ariko KALISA wee,ibyo avuze bitagaragara ni ibihe ?Ahubwo musenge kuko naho ibyo umwuka wera birahinduka Umukara ndabarahiye

-xxxx- Kuya 26-10-2017

Yesu yasanze bacururiza murusengero biramurakaza ubwo rero mwitonde

Twizerimana Janvier Kuya 26-10-2017

hejuru y’imbaraga zose hari iz’Imana kandi itorero ni irya kristo niwe uzi uko bizagenda ahubwo mureke amagambo musenge ubundi IMANA IZABIZOZA NEZA THX

Twizerimana Janvier Kuya 26-10-2017

hejuru y’imbaraga zose hari iz’Imana kandi itorero ni irya kristo niwe uzi uko bizagenda ahubwo mureke amagambo musenge ubundi IMANA IZABIZOZA NEZA THX

Twizerimana Janvier Kuya 26-10-2017

hejuru y’imbaraga zose hari iz’Imana kandi itorero ni irya kristo niwe uzi uko bizagenda ahubwo mureke amagambo musenge ubundi IMANA IZABIZOZA NEZA THX

KARISA Kuya 26-10-2017

ntimukatubeshye cyangwa ngo mubeshyere abayobozi
itorero niryimana kandi nabantu nabo nabimana, imana izashyiraho umuyobozi ukwiye kuyobora abantu bayo
naho mwebwe muvuga utwo dutsiko sinzi aho mubikura itorero rya kristo ryubatse kuri we

ntimukajye mukabya ibintu

-xxxx- Kuya 26-10-2017

Barapfa amafaranga ko batapfa agakiza bareke bakomeze bazabona

Lily Kuya 26-10-2017

Uni birashhoboka ariko Imana izabiturinda

umubavu Kuya 26-10-2017

Ibyo wanditse naho bihuriye nitorero ejo namaranga mutima yawe aribwo ubanza nawe ufite amatsiko uyoboye