Kigali : Yateye inda umwuzukuru  yabyaranye  n’umukobwa we

Polisi ikorera mu Karere ka Kicukiro yataye muri yombi umugabo bivugwa ko yateye umukobwa we inda, umwana w’umukobwa uvutse yamara gukura na we akamugenzereza atyo.

Mu 2000 nibwo umugabo wo mu Murenge wa Gatenga yateye inda umukobwa we w’imfura, amaze kubyara aramujujubya bituma ahungira muri Uganda.

Uyu mukobwa muri Uganda ubuzima bwaramugoye agaruka mu Rwanda afite wa mwana yabyaranye na se wari ugize imyaka 16. Bamaze kugera mu Rwanda, umwana yamusigiye se na muka se we ajya kuba mu yindi nzu nayo y’uyu musaza.

Umusaza amaze kubona asigiwe umwuzukuru akaba n’umwana we, na we yaramwadukiriye amutera inda kuko ngo ‘atajya gushaka igitsina ahandi yarakibyariye’.

Aganira na TV1 uyu mukobwa watewe inda yagize yagize ati “Naramubwiye ngo ndashaka ‘cotex’arambwira ngo nta mafaranga afite, bigeze nijoro nka saa moya mbona aje mu cyumba cyanjye arambwira ngo nimuhe. Turabitonganira nanga kumuha, arambwira ngo nta gitsina kinkomokaho kijya gushaka ahandi.”

Nyuma yo guterwa inda ku myaka 16 se w’uyu mukobwa akaba na sekuru yamubujije kujya asohoka mu gipangu batuyemo, amubuza no kujya gusura nyina kugira ngo atazamubwira ibyamubayeho. Yari asigaye abana na muka se.

Yakomeje agira ati “Ndaza ndamubwira nti ko ureba mfite inda nkaba ntafite imyenda y’umwana, arambwira ngo tegereza avuke nk’uko nawe wavutse. Mu kwa munani Mama yarambajije ngo ninde waguteye inda ndamumuhisha, bucyeye bwaho ndamubwira nti ni papa wayinteye.”

Nyuma y’uko uyu mwana abyaye nyina yaje kubimenyesha ubuyobozi bw’inzego z’ibanze ndetse biza no kugera ku zindi nzego zirimo na Polisi kugeza ubwo uyu mugabo w’imyaka 58 atawe muri yombi. Hahise hafatwa ibizami by’amaraso hakaba hategerejwe ibisubizo.

Umukobwa mukuru w’uyu musaza ari nawe yateye inda bwa mbere, kuri ubu afite umuryango w’abana batandatu n’umwuzukuru umwe, bakaba batuye mu nzu y’icyumba kimwe n’uruganiriro.

Iyo nzu babamo ni imwe mu za se ariko nayo ngo bahora bayisohorwamo na muka se.

Ubuyobozi bw’umurenge wa Gatenga bwavuze ko butari buzi iby’ubuzima aba bana babayemo, icyakora ngo bugiye kubikurikirana.

Umunyamabanga Nshingwabikorwa w’Umurenge wa Gatenga, Emmanuel Maneouvre yagize ati “Ryari ibanga ryabo ntibashakaga ko hari umuntu ubimenya. Ibindi bibazo ntabyo nari nzi ndaza kujyayo.”

Magingo aya ibizami by’amaraso ntibiratangazwa, umukobwa watewe inda na se akaba na sekuru abayeho mu buzima bugoye, dore ko atanagira ubwisungane mu kwivuza.



Tanga igitekerezo kuri iyi nkuru



Igitekerezo
Agnes Kuya 3-11-2017

Nukurinukuri uwomugabo akwirigekwicwa abobana ngukomezakumubona bizabavuna kandi nibindibingabo bizanja biblikora uwantagoariumuntu nihene no oooooooo arikontakabi katarakorerwa murwanda nukurinukuri

byukusenge triphine Kuya 27-10-2017

birababaje uwo mugabo bamufunge burundu numugome

Umurisa Zawadi Kuya 19-10-2017

Andika Igitekerezo Hanno ariko manawe birababaje abantu kaboreta yurwanda yagiye ibahanakoko ayo s’Amahano n’amarorerwa

Umuhire Janvier Kuya 18-10-2017

Uwo mugabo akarirwe urumukwiye, kuko icyo gikorwa ni ubunyamaswa bukabije.

Nti Kuya 18-10-2017

Nihatari isirashaje

Nti Kuya 18-10-2017

Nihatari isirashaje

elique Kuya 18-10-2017

uwo mugabo niyarakwiriye kubaho