Impanuka y’ubwato mu Kiyaga cya Tanganyika yahitanye 9,batatu baburirwa irengero

Abantu icyenda nibo bitabye Imana naho abandi 3 baburirwa irengero mu mpanuka y’ubwato yabaye ejo ku wa Gatatu tariki 8 Ugushyingo 2017 mu Kiyaga cya Tanganyika.

Ubwato buzwi nka MB/Posho ya Batoto bwikorera toni 10 mu masaa sita z’amanywa nibwo bwarohamye mu gace ka Rugumba kuri Kilometero 20 uvuye i Kalemie ho muri Repubulika Iharanira Demokarasi ya Congo ngo bukaba bwari bwerekeje mu gace ka Wimbi aho bwaje gutungurwa n’umuhengeri ukomeye.

Umuyobozi ushinzwe iby’amazi mu Ntara ya Tanganyika yabwiye Radio Okapi dukesha iyi nkuru ko abitabye Imana bose ari abana ngo 8 muribo bakaba bari mu kigero cy’imyaka 2 n’undi w’imyaka 4 ngo nyuma yo gukurwa mu mazi aba bana bakaba barajyanywe ku kigo nderabuzima cya Kansambondo.

Ngo ubutabazi bwagerageje gushakisha ariko abandi bana 3 bakomeje kuburirwa irengero.

Ku ruhande rw’abakuze imibare igaragaza ko bari 23 ariko ngo abaje muri ubu bwato ni 20 kandi bose bavuyemo nta kibazo bafite mu gihe abandi batatu batabwinjiyemo nubwo bari banditswe.

Gabriel Habineza/Umubavu.com



Tanga igitekerezo kuri iyi nkuru



Igitekerezo