Anne Rwigara  ararekuwe

Nyuma y’uko ku wa Gatanu tariki 20 Ukwakira 2017 risubitswe, kuri uyu wa Mbere tariki 23 Ukwakira 2017 ku saha y’isaa Cyenda n’imonota 10 nibwo abacamanza binjiye mu cyumba cy’iburanisha ngo batange umwanzuro ku ifungwa n’ifungurwa ry’agateganyo kuri Adeline Rwigara Mukangemanyi n’abakobwa be Anne na Diane Rwigara.

Nk’uko byagiye bigragara mu gihe cyo kuburana , uyu munsi iri somwa ry’imyanzuro naryo ritabiriwe n’abantu benshi cyane.Abaregwa uko ari 3 bose bakaba bari bahari aho bari kumwe na na Me Gatera Gashabana kuko Me Buhuru Pierre Celestin we atagaragaje mu Cyumba cy’iburanisha.

Mu gusoma imyanzuro, Umucamanza yavuze ko Ubushinjacyaha bwasabye ko abaregwa bakurikiranwa bafunze kuko bwagaragrazaga ko bashobora gutoroka ubutabera cyangwa gusibanganya ibimenyetso bw’ibyaha baregwa..

Uwamahoro Anne Rwigara aregwa gukwirakwiza urwango no guteza imvururu muri rubanda kubera inyandiko ze kuri WhatsApp n’amajwi yohereje kuri WhatsApp hamwe n’ibaruwa yandikiwe Jeune Afrique we akaba abihakana kuko iyo baruwa atayisinyeho.

Mu kuburana Anne yavuze ko ubwo butumwa bwa WhatsApp bwari ubwo ku muryango we gusa, ko yumva koherereza ubutumwa bwe umuvandimwe mu gihe ari mu gahinda bitagize icyaha.

Urukiko ngo rwasanze bigaragara ko amagambo Anne yabwiye mukuru we muri Audio na message kuri WhatsApp ngo atari impamvu zifatika zigize icyaha kuko ubushinjacyaha butagaragaje ko hari abandi benshi yabibwiraga.

Ibaruwa yandikiwe Jeune Afrique nayo Urukiko rwavuze ko itafatwa nk’impamvu y’icyaha kuko ngo nta mukono uriho n’ubwo handitseho ko ari abana ba Rwigara ariko nta zina ririho.

Impamvu zashyikirijwe n’ubushinjacyaha ngo ntizikomeye ku buryo zatuma Anne Rwigara akekwaho gukurura imvururu cyangwa imidugararo muri rubanda.

Anne kandi ngo kuba yaravuze ko Leta ari ‘Mafia’ ngo nta kigaragaza ko yashakaga guteza imvururu muri rubanda kuko ngo ntibagaragaje ahandi hanze byageze.

Urukiko rwanzuye ko hari impamvu zikomeye ziruma Adeline Rwigara n’umukobwa we Diane Rwigara bakekwaho ibyaha bakurikiranweho bihanishwa igifungo kiri hejuru y’imyaka ibiri. Bityo rutegegaka ko bakurikiranwa bafunze by’agataganyo.

Urukiko rutegetse ko kuko nta mpamvu zigaragara mu bimenyetso bishinja Anne Rwigara agomba guhita arekurwa.

Uru urubanza rukaba rwaratangiye tariki 06 Ukwakira 2017.

Abo kwa Rwigaraga bakaba baratewe muri yombi ku wa Gatandatu tariki 23 Nzeri 2017.

.



Tanga igitekerezo kuri iyi nkuru



Igitekerezo
vincent Kuya 23-10-2017

Mubarekure batahe pe buriyabiriyabyose kubivuga ninka Tromatisme bagize kdi igihugucyacu turagikunda bombonantacyobakorape,imbabazi zruturubanza zikarwishimahejuru Yakobo 2:11

ubungubu Kuya 23-10-2017

umwere arekurwe abanyamakosa bahanwe