Irinde ibi bintu niba ukiri umushyitsi mu rukundo

Ni ibintu bisanzwe mu buzima bwa muntu by’umwihariko mu isi y’urukundo ko mu gihe umubano w’abakundana ugitangira, buri wese aba yifuza kandi yumva bimubereye byiza urukundo rwe rwazabyara umusaruro aho kuzabyara amahari, gusa burya buri muntu apanga atazi ibiri imbere ye ariyo mpamvu tukugira inama yo gukurikiza ibi bintu niba koko wifuza ko umubano wawe waba mwiza ukazanakugeza ku cyo wifuza mu rukundo rwawe n’uwo wihebeye.

Nkuko bisanzwe mu buzima bwacu bwa buri munsi, nta muntu n’umwe ushobora kumenya uko ejo hazaba hameze cyane ko umunyarwanda we yabivuze neza agira ati “bucya bucyana ayandi”. Ibi rero bituma nyuma yo kujya mu mubano mushya n’uwo wihebeye, hari uburyo ugomba kwitwara kugira ngo ejo hawe mu rukundo hatazakubyarira ibibazo uteri witeze.

Nk’umusore cyangwa umukobwa ukinjira mu rukundo, ubutwari ni ukwemera ndetse ukakira neza mu buryo bwa kamere ibigenda bikurikira mu mubano wawe ukiri mushya. ibi wabasha kubibamo neza ubashije neza gukurikiza izi nama.

Dore ibintu 6 ukwiriye kwirinda cyane mu gihe ukinjira mu rukundo.

1. Kwirinda kwaka umukunzi wawe amafaranga ku munsi wa mbere

Burya nuramuka watse umukunzi wawe amafaranga umukunzi wawe mu minsi ya mbere y’umubano wanyu azakwitiranya na business zisanzwe,wowe ukwiye kwirinda bikomeye utitaye ku buremere bw’ikibazo ufite.

2. Kudasura umukunzi wawe utabimumenyesheje

Bamwe bibeshya ko kwinjira mu rukundo n’umuntu ari igisobanuro cy’uko wamumenye bihagije ndetse wanamusura uko wishakiye ndetse wanamutungura wabishatse.ibi sibyo kuko ugomba kubanza ukabimumenyesha kuko n’abashakanye iyo umwe aje undi ari mu cyumba abanza kumukomangira.

3. Kutanywa inzoga nyinshi (ku bakunda agatama)

Nuramuka cyane ku munsi wa mbere usinze ukandavura imbere y’umukunzi ni gihamya y’uko utiyubaha kandi nta n’agaciro wiha,uramutse ubikoze ndakubwiza ukuri ko umubano ufite gusenyuka mu minsi ya mbere mukiwutangira.

4. Kutaganiriza umukunzi wawe ibiganiro wagiranye n’uwo mwahoze mukundana

Gerageza gusiba mu mutwe wawe ibiganiro mwagiranaga n’umukunzi wa mbere y’uwo muri kumwe kuko nutabikora uzisanga urimo umuzana mu biganiro urimo kugirana n’umukunzi wawe mushya mushya ukurizemo kumutera agahinda.

5. Kutihutira kugaragaza urukundo rwanyu ku mbuga nkoranyambaga

Abenshi bakunze kwibeshya guhita bereka abantu bose ko bari mu rukundo n’umukunzi uyu n’uyu aribyo bizatuma umubano wabo ukomera, ibi sibyo kuko nutangira gushyira amafoto y’umukunzi wawe kuri facebook no kuri instagramm nta mishinga y’igihe kirekire muragirana urakeka nimusenya mutarabigeraho bigenda bite ? tekereza kure.

6. Ntukabeshye umukunzi wawe ku bijyanye n’imibonano mpuzabitsina

Niba usanzwe umenyerye gukora imibonano mpuzabitsina, ibi ni ibintu biba hose bityo mubwize ukuri niba uri isugi cyangwa uri imanzi kuko nutabikora utyo byazakubyarira ibibazo bikomeye mu minsi iri imbere.

Izi nama tukugiriye waba uri umusore cyangwa waba uri umukobwa uzikurikije turizera neza ko nta kabuza zagira icyo zigufasha mu rukundo rwawe ukinjiramo cyane ko iyi ari inzira nshya y’ubuzima uba unyuzemo.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo
ndayisenga lsmael Kuya 9-12-2017

murakoze kunama yanyu

uwintije beatrice Kuya 5-12-2017

nibyo iyo utangiye umwaka amafaranga abonako ukurikiye amafaranga.