Ese koko mu buzima bwa muntu imibonano mpuzabitsina ni ngombwa ?

Abahanga mu by’ubuzima bemeza ko mu mibereho y’ikiremwa muntu by’umwihariko ku bashakanye igikorwa cyo gutera akabariro ari ingenzi cyane kuko hari ibyiza byinshi kimarira umubiri harimo kuramba, gutekereza neza n’ibindi. Si ibi gusa kuko ubusanzwe imibonano mpuzabitsina n’ubundi ari imwe mu nkingi za mwamba ifasha abashakanye kwishimana ndetse no kubana neza mu gihe ikorwa neza hagati yabo.

Hari bimwe mu bintu by’ingenzi imibonano mpuzabitsina ikozwe neza igeza ku mubiri w’umuntu birimo ibi bikurikira :

1. Imibonano mpuzabitsina irinda indwara za hato na hato z’umutima ndetse n’amaraso agatembera neza mu mubiri

Mu gihe cyo gutera akabariro, bavuga ko umutima utera kuva kuri 70 ku munota kugeza kuri 150. Ibi rero bikaba ari byiza ku mutima . Gutera kandi akabariro inshuro eshatu mu cyumweru ngo bigabanya kuribwa umutima ku kigereranyo cya 50%. Bavuga ko mu gihe cy’imibonano mpuzabitsina hakoreshwa umwuka mwinshi bityo bikaba ari byiza kuko hakoreshwa umwuka mwiza mwishi uzwi kwizina rya”oxygene”.

2. Bifasha mu kongera ibitotsi umuntu akaruhuka neza (gusinzira neza)

Nyuma yo gukora imibonanompuzabitsina,cyane cyane nimugoroba,ngo byaba bituma umuntu agira ibitotsi byiza bitewe n’uko umubiri uba watekanye.

3. Imitere myiza n’ibyiyumviro mu buzima bigenda neza iyo habayeho gutera akabariro

Aha niho ubushakashatsi bukomeza bwerekanye ko gutera akabariro bitanga umunezero kurenza uwo wahabwa no kuba wagira amafaranga menshi, kandi ngo bitanga ubuzima bwuzuye ibyishimo.

4. Imibonano mpuzabitsina ikozwe neza mu rugero yongera uburambe

Ubundi bushakashatsi bwakozwe mbere y’ubu, ngo bwerekanye ko imibonano mpuzabitsina yongera uburambe, kandi ngo gupfakara ukiri muto ntiwongere gukora imibonano mpuzabitsina bigabanya ubukana bw’imikaya bigatuma wasaza vuba cyane.

5. Gutera akabariro bigabanya umunaniro cyangwa guhangayika ”stress”

Aha bavuga ko abantu bagira itiro uko bikwiye kandi biyumvamo umutuzo iteka ari babandi badatenguha akabariro.

6. Gutera akabariro nibura gatatu mu cyumweru ngo bitera kugira uruhu rwiza

Mu gihe k’iki gikorwa, umugore ngo yongera inshuro ebyiri imisemburo ituma umusatsi we ushashagirana kandi ngo ibi bigaterwa n’uko uruhu rwe rugenda rworoha ruba ryiza cyane.

7. Gutera akabariro mu rugero bifasha umubiri guhumeka neza

Ibyuya biterwa n’uko hariho gukorwa imibonano mpuzabitsina, bituma habaho guhumeka k’utwenge tuba ku ruhu, bigatera kugira uruhu rwiza (ruyaga), kandi ngo bigabanya amahirwe y’uko umuntu yakwandura indwara z’uruhu.

8. Iyo bikozwe neza kandi mu rugero bifasha kugira ingano nziza

Gukora imibonano mpuzabitsina bishobora kugutera kuba wahorana ingano inejeje, bitewe no kugenda umuntu akoresha imbaraga zituma atakaza bimwe mubyatuma atagaragara neza. Aha bavuga ko iminota 20 buri cyumweru itwara imbaraga zingana na 7500 buri mwaka, umuntu yagereranya n’imbaraga umuntu ukora imyitozo yo kwiruka yakoresha yirutse kirometero 120 (120km)

9. Imibonano mpuzabitsina ikomeza imikaya

Aha ariko ngo byaterwa n’uko igikorwa cyagiye gikorwa. Bavuga ko imibonano mpuzabitsina yakozwe neza mugitanda ngo ikomeza imikaya yo ku matako, ku mabuno, mu gatuza ndetse n’iy’amaboko. Aha kandi bongeraho ko bikomeza amagufwa y’uruti rw’umugongo.

10. Birinda indwara zimwe na zimwe

Imibonano mpuzabitsina ngo irinda indwara zimwe na zimwe nka asima n’uburima. Ikindi kandi ngo biganya n’umuriro wo ku rwego rwo hejuru.

11. Kugaragara neza (Looking sexy)

Gukora imibonano mpuzabitsina kenshi bituma ukurura (ugaragarira neza) abo mudahuje igitsina.

12. Gukora imibonano mpuzabitsina byongerera imbaraga imyanya myumviro y’umubiri w’umuntu cyane cyane guhumurirwa

Aha bavuga ko nyuma yo kurangiza , hahita habaho imisemburo itera ubwonko kurema udutsi duto cyane dutuma umuntu ahumurirwa biruseho

13. Gutera akabariro bigabanya ububabare bw’umubiri

Gutera akabariro neza ngo bigabanya ububabare bw’umubiri inshuro icumi ugereranyije n’indi miti abantu bakunze kunywa ngo bagabanye ububabare.Aha bakomeza bavugako bigabanya kurwara umutwe.

14. Gutera akabariro bifasha kugira impumuro nziza mu kanwa

Gusomana, nk’igikorwa kibanziriza imibonanomuzabitsina,byongerera imvubura z’amacandwe bityo akabasha gusukura neza mu kanwa no hagati y’amenyo.Ibi bitera ingaruka nziza zo kutarwara amenyo no gutuma mukanwa hahumura neza.

15. Bifasha mu kurwanya kanseri

Gukora imibonano mpuzabitsina ngo byaba birwanya kanseri. Ubushakashatsi bwerekanye ko abagabo basohora inshuro hagati ya 13 na 20 mu kwezi bafite amahirwe angana na 14% yo kutarwara kanseri yo mudusabo tw’intaga.

Bwerekanye kandi ko gusohora kuva ku nshuro 21 kuzamura buri kwezi, ngo bigabanya amahirwe yo kurwara kanseri ku mahirwe angana na 33%. Bakomeza bagaragaza ko kugira imisemburo y’imyanya ndangagitsina iri ku rugero rwikirenga ngo bishobora kuba bimwe mu byatera amahirwe yo kurwara kanseri.

Gusa aha barangiza berekana ko bamwe mu badakora imibonano mpuzabitsina neza bagira ibyago byo kubikuramo ubuzima bubi, aha bakibanda cyane nk’igihe umugore atabashije kurangiza kuko ngo bimuviramo guhorana ibibazo mu mikorere y’umubiri we.

Nkuko Umubavu.com duhora tubagira inama zitandukanye mu buzima bwa buri munsi, turagira ngo tubibutse ko ibi bireba abamaze kwemererwa n’amategeko gushing ingo zabo kuko utararushinga aba atemerewe gukora imibanona mpuzabitsina kuko bigira ingaruka nyinshi kandi mbi ku buzima bw’umuntu birimo kokwamwa n’ingeso y’ubusamanyi kuko aba atarageza igihe cyo gushinga urugo rwe.

Alice UMWALI/Umubavu.com



Tanga igitekerezo kuri iyi nkuru



Igitekerezo
karisa Kuya 8-11-2017

Andika Igitekerezo ;mwaramutse nshuti najye ndumugabo wubatse ariko inama ya mbere ituma urugo rugenda neza nukuba mwese mwiteguye icyo gikorwa ariko mukakitegura neza reka mbahe ubuhamwa gatoya nashatse umugore mukunze tumaze kubana igihe kimibonano nsanga ntiyigeze aca imyeyo (gukuna)nsanga ntazi kunyonga ibyaribyo nsanga ntazi kunyara ibyaribyo birangije biranyobera neza neza burundu mbihirwa nimibonano ngiye gusenya burundu mbiganirije umuntu ampa inama yumuganga twagana akadufasha kabisa yaradufashije ubu ibintu bigenda neza agirinama abari nabategarugori agirinama ingo zasenyutse zikongera zigasubirana nahasanze abantu benshi babuze amahoro mungo zabo narinziko aringe ngenyine ariko nahavuye umutima wajye uruhutse ubungubu iwajye murugo namahoro umugore bamuhaye umuti arawumwa arakira ubu aranyara ntakibazo ubu bamukoreye umuco nyarwanda (gukuna)bamwigishije gukuna )bamwigisha kunyonga )dukora imibonano nkarwoherwa peees simbabeshye niyo mpamvu mbahaye ?nimero zuyumuganga wadufashije kuko kubyihererana sinabishobora contact ze ni 0788354067 abagire inamaa nasanga urwaye akuvure mugire amahoro